លោកស្រី Élisabeth Borne នាយករដ្ឋមន្រ្តីនៃសាធារណរដ្ឋបារាំង

សមាជិកសភានៃសាធារណរដ្ឋបារាំង បានបរាជ័យក្នុងការអនុម័តញត្តិ ដកសេចក្តីទុកចិត្តពីរដ្ឋាភិបាល ដែលស្នើឡើងដោយគណបក្សឆ្វេងនិយម និងគណបក្សស្តាំនិយមជ្រុល ក្រោយ​​ពីនាយករដ្ឋមន្រ្តីបារាំង បានបង្ខំចិត្តដាក់សេចក្តីព្រាងច្បាប់ថិវកាដ៏ចម្រូងចម្រាសតាមរយៈសភា។

លោកស្រី Yael Braun-Pivet ប្រធានសភាជាន់ទាបបារាំងបានថ្លែងថា ញត្តិខាងលើស្នើឡើងដោយ ក្រុមចម្រុះឆ្វេងនិយម Nupes ទទួលបានសំឡេងគាំទ្រ ២១៨ នៃសំឡេង​ចាំបាច់ ២៨៩ ​ខណៈដែល គណបក្សស្តាំនិយមជ្រុល National Rally ទទួលបាន ៩០សំឡេង។ គួរបញ្ជាក់ផងដែរថា នៅថ្ងៃទី២៤ ខែតុលា​ ឆ្នាំ២០២២ កន្លងមក ការបោះឆ្នោត​ដកសេចក្តីទុកចិត្តពីរដ្ឋាភិបាល ដែលផ្តួចផ្តើមឡើងដោយ ក្រុមចម្រុះ Nupes និងគណបក្សស្តាំនិយមជ្រុល Natioal Rally បានធ្វើឡើងជាលើកទី១ និងត្រូវបាន ទទួល​បរាជ័យ​…៕

https://www.urdupoint.com/en/world/no-confidence-vote-against-french-government-1587291.html