រូបថតឯកសារ៖ សន្លឹកឆ្នោតបានទម្លាក់ចូលក្នុងធុងឆ្នោត នៅក្នុងការបោះឆ្នោតសកលឆ្នាំ២០១៨

កាលបរិច្ឆេទនៃការបោះឆ្នោតសកលឆ្នាំ២០២២ ដែលគេទន្ទឹងរង់ចាំជាយូរមកហើយ ត្រូវបានសម្រេច ធ្វើឡើងនៅថ្ងៃទី១៤ ខែធ្នូ ឆ្នាំ២០២២​។ ការសម្រេចចិត្តនេះ បាន​ប្រកាសឡើងតាមរយៈសេចក្តីថ្លែង ការណ៍ជាផ្លូវការមួយ ដែលផ្សព្វផ្សាយនៅលើទំព័របណ្តាញសង្គមហ្វេសប៊ុករបស់រដ្ឋាភិបាលនៃសាធារណ រដ្ឋហ្វីជីកាលពីថ្ងៃអាទិត្យ ទី៣០ ខែតុលា ឆ្នាំ២០២២។ ក្នុងសេចក្តីថ្លែងការណ៍បានប្រកាសថា លោក       Voreqe  Bainimarama  នាយករដ្ឋមន្រ្តីហ្វីជីបានចូលជួបលោកប្រធានាធិបតី  Ratu  Wiliame   Katonivere នាព្រឹកថ្ងៃដដែល ដើម្បីផ្តល់យោបល់ថា កាលបរិច្ឆេទនៃការបោះឆ្នោតសកល គួរតែធ្វើឡើងនៅថ្ងៃទី១៤ ខែធ្នូ ឆ្នាំ២០២២។

គួរបញ្ជាក់ផងដែរថា លោកនាយករដ្ឋមន្រ្តីចាំផ្ទះ Bainimarama បានចូលកាន់តំណែងចាប់តាំងពី រដ្ឋប្រហារយោធា ឆ្នាំ២០០៦មក ដែលនៅពេលនោះលោកបានក្លាយជា​ប្រធានា​ធិបតី​ស្តីទី និងជានាយក រដ្ឋមន្រ្តីស្តីទី នៅមុនពេលដែលលោកចូលស្បថកាន់តំណែងជានាយករដ្ឋមន្រ្តី ក្រោយការបោះឆ្នោតឆ្នាំ ២០១៤។ លោក Bainimarama ក៏បានចំណាយ​ពេលអស់ជាច្រើនខែផងដែរ នៅក្នុងប្រទេសអូស្រ្តាលី នៅក្នុងឆ្នាំ២០២២នេះ រហូតដល់លោកជាសះស្បើយពីការវះកាត់បេះដូង…៕

https://asiapacificreport.nz/2022/10/30/fiji-announces-general-election-date-december-14/