សន្និបាតរួមលើកទី៤២ នៃសភាតំបន់អាហ្វ្រិក ការ៉ាអ៊ីប ប៉ាស៊ីហ្វិក និងសភាអឺរ៉ុប(The 42^nd ACP-EU Joint Parliamentary Assembly) នឹងប្រព្រឹត្តិទៅពីថ្ងៃទី២៩ ខែតុលា ដល់ថ្ងៃទី២ ខែវិច្ឆិកា​ ឆ្នាំ២០២២ ក្នុងរដ្ឋធានីម៉ាពុយតូ នៃសាធារណរដ្ឋម៉ូសំប៊ីក។ សន្និបាតនេះនឹងមានការចូលរួមពីសមាជិកសភាអឺរ៉ុប និងសមាជិកសភា នៃ​ប្រទេសចំនួន៧៨ ក្នុងតំបន់អាហ្វ្រិក ការ៉ាអ៊ីប និងប៉ាស៊ីហ្វិក។ ថ្ងៃទី២៩ ខែតុលា គឺជាថ្ងៃនៃការរៀបចំវេទិកាយុវជន និងស្រ្តី។ កម្មវិធីបើកសន្និបាត នឹងប្រព្រឹត្តិទៅនៅ​វេលា​ម៉ោង ១១:០០ ថ្ងៃចន្ទ ទី៣១ ខែតុលា​ ដោយមានការចូលរួមពីលោក Filipe Nyusi ប្រធានាធិបតីសាធារណរដ្ឋម៉ូសំប៊ីក។ កម្មវិធីបើកនេះប្រ​ព្រឹត្តិទៅក្រោមសហប្រធានពីររូប​គឺ​លោក Carlos Zorrinho (សមាជិកសភាអឺរ៉ុបនិងជាសមាជិកសភាប្រទេស ព័រទុយហ្កាល់) និងលោកPeter Kenilorea (សមាជិកសភាកោះសូលូម៉ុង(Solomon Islands)៖

មូលបទសំខាន់ៗនៃសន្និបាតខាងលើ រួមមាន៖

• កិច្ចសហប្រតិបត្តិការពិភពលោក ក្នុងការប្រយុទ្ធប្រឆាំងនឹងបម្រែបម្រួលអាកាសធាតុ និងកិច្ចសហ ប្រតិបត្តិការក្នុងការសម្របខ្លួននិងបន្ធូរបន្ថយ នៅក្រោយកិច្ចប្រជុំCOP27 (សន្និសីទលើកទី២៧ នៃបណ្តាប្រទេសជាភាគីនៃកិច្ចព្រមព្រៀងស្តីពីអាកាសធាតុ)
• ការធានាឱ្យមានទីផ្សារសម្រាប់ទំនិញ ដែលផលិតក្នុងប្រទេសជាសមាជិកអង្គការនៃរដ្ឋក្នុងតំបន់អាហ្វ្រិក ការ៉ាអ៊ីប និងប៉ាស៊ីហ្វិក(OACPS) តាមរយៈការពង្រឹងលក្ខណៈផលិតកម្មនិងការប្រើប្រាស់ ប្រកបដោយចីរភាព
• ក្របខណ្ឌដើម្បីដោះស្រាយវិបត្តិជីវចម្រុះ៖ ការចេះប្រើប្រាស់នូវឥទ្ធិពលនិងភាពជាដៃគូរវាងអឺរ៉ុបនិង ប្រទេសក្នុងតំបន់អាហ្វ្រិក ការ៉ាអ៊ីប និងប៉ាស៊ីហ្វិក ដើម្បីសម្រួចនូវក្របខណ្ឌថ្មីមួយ សម្រាប់ទប់ស្កាត់ការបាត់បង់ជីវចម្រុះ និងសម្រាប់លើកកម្ពស់ការប្រើប្រាស់ និងអភិរក្សប្រកបដោយចីរភាព នៅក្រោយកិច្ចប្រជុំCOP15
• ការពិភាក្សាអំពីភាពជាដៃគូសេដ្ឋកិច្ច និងសង្គម

សន្និបាតខាងលើនេះ មានភ្ជាប់ជាមួយនូវទស្សនកិច្ចទីតាំងចំនួនពីរ គឺ(១)ទស្សនកិច្ចនៅមជ្ឈមណ្ឌលសុខភាពជាតិ(The National Health Center) ដើម្បីជួបវេជ្ជបណ្ឌិត ដែល​ពាក់ព័ន្ធនឹងការគ្រប់គ្រងជំងឺកូវីដ-១៩ និង(២)ទស្សនកិច្ចទៅកាន់ខេត្តMaputo ដើម្បីជួបជាមួយអា ជ្ញាធរតំបន់ ដើម្បីពិភាក្សាអំពីការគ្រប់គ្រងហានិភ័យ​ដែលទាក់ទងនឹង​គ្រោះថ្នាក់ធម្មជាតិ…៕

http://ព័ត៌មានពីអង្គសភាអន្តរជាតិ ២៥-១០-២២- មាស តូនី ប្រែសម្រួលពី៖ https://www.europarl.europa.eu/news/en/press-room/20221024IPR45733/acp-eu-42nd-joint-parliamentary-