ទិដ្ឋភាពនៅខាងក្រៅសភាអ៊ុយក្រែន ក្នុងរដ្ឋធានីកៀវ

សមាជិករដ្ឋសភាប្រទេសអ៊ុយក្រែនជាច្រើនរូប (Verkhovna Rada) គ្រោងបោះឆ្នោតលើសេចក្តីសម្រេចមួយ ដើម្បីទទួលស្គាល់សាធារណរដ្ឋបេឡារុសជាប្រទេស ដែលត្រូវ​បាន​កាន់កាប់ដោយសហព័ន្ធ រុស្ស៊ី។ នេះបើយោងតាមរបាយការណ៍របស់សេវាព័ត៌មាននៃកងវរសេនាធំបេឡារុស Belarusian Kastuś Kalinoŭski ដែលជាក្រុមប្រដាប់​អាវុធ​ចូលរួម​ប្រយុទ្ធជាមួយកងកម្លាំងយោធាអ៊ុយក្រែន ដើម្បីប្រឆាំងនឹងការឈ្លានពានរបស់រុស្ស៊ីក្នុងប្រទេសអ៊ុយក្រែន ដែលត្រូវបានដកស្រង់ដោយសារព័ត៌មាន European Pravda បន្ទាប់ពី លទ្ធផលនៃកិច្ចប្រជុំជាមួយសមាជិករដ្ឋសភាអ៊ុយក្រែន។

​ក្នុងអំឡុងពេលនៃកិច្ចប្រជុំនោះ តំណាងកងវរសេនាធំបេឡារុសនេះ បានពិភាក្សាអំពីបញ្ហាទំនាក់ទនងអ៊ុយក្រែន-បេឡារុស ជាមួយសមាជិកសភាអ៊ុយក្រែន ក្នុងស្ថានភាពនៃ​ការឈ្លានពានរបស់រុស្ស៊ីនៅក្នុងប្រទេសអ៊ុយក្រែន។ សេវាព័ត៌មានរបស់កងវរសេនាធំខាងលើនេះ បានរាយការណ៍ទៀតថា ភាគី អ៊ុយក្រែន បានសម្តែងនូវការគោរពចំពោះ​ភាគីបេឡារុស ដែលកំពុងតស៊ូប្រយុទ្ធដើម្បីអ៊ុយក្រែនដោយអាវុធក្នុងដៃរបស់ខ្លួន និងបានសម្តែងនូវបំណងរបស់ខ្លួនក្នុងកិច្ចសហប្រតិបត្តិការជាមួយកងវរសេនាធំ Kalinoŭski  ដែលកំពុងដើរតួជាតំណាងស្របច្បាប់របស់ប្រជាពលរដ្ឋបេឡារុស។

​បន្ទាប់ពីលទ្ធផលនៃកិច្ចប្រជុំនេះ សមាជិករដ្ឋសភាអ៊ុយក្រែន​ បានសន្យាថា នឹងស្នើទៅគណៈរដ្ឋ មន្ត្រីសុំកែប្រែក្រឹត្យមួយស្តីពី ប្រជាពលរដ្ឋបេឡារុស។ សមាជិករដ្ឋសភា​អ៊ុយក្រែនជាច្រើនរូប បានសម្រេចចេញសេចក្តីសម្រេចមួយស្តីពី ការបោះឆ្នោតទទួលស្គាល់ប្រទេសបេឡារុសជាទឹកដីដែលត្រូវបានកាន់កាប់ជាបណ្តោះអាសន្នដោយរុស្ស៊ី។ ភាគីទាំងពីរ បានឯកភាពគ្នាលើកិច្ចសហប្រតិបត្តិការដែលកំពុងដំណើរការពាក់ព័ន្ធនឹងទិដ្ឋភាពនៃសកម្មភាពតស៊ូប្រយុទ្ធ ដើម្បីរំដោះប្រជាជនអ៊ុយក្រែន និងប្រជាជនបេឡា​រុស៕

http://ព័ត៌មានសភាអន្តរជាតិ ២១-១០-២២- កែវ ធាវី ប្រែសម្រួលពី៖ https://news.yahoo.com/verkhovna-rada-wants-recognise-belarus-173413356.html