ទិដ្ឋភាពក្នុងសម័យប្រជុំសភានៃសាធារណរដ្ឋអេស្តូនី

កាលពីថ្ងៃអង្គារ ទី១៨ ខែតុលា ឆ្នាំ២០២២ សភានៃសាធារណរដ្ឋអេស្តូនីបានបោះឆ្នោតជាឯកច្ឆន្ទ ចាត់ទុកសហព័ន្ធរុស្ស៊ីថាជា រដ្ឋគាំទ្រអំពើភេរវនិយម ពាក់ព័ន្ធនឹង​ប្រតិបត្តិការយោធារបស់ខ្លួននៅក្នុង ប្រទេសអ៊ុយក្រែន។ សភាអេស្តូនីបានចេញសេចក្តីថ្លែងការណ៍មួយថា “សភា​កំពុងតែអំពាវនាវឱ្យអន្តរ ជាតិធ្វើការអនុម័តសេចក្តី​ប្រកាស​ដូចគ្នានេះ”។

សមាជិកសភាចំនួន ៨៨រូប ដែលមានវត្តមាននៅក្នុងសភា ១០១អាសនៈ បានបោះឆ្នោតគាំទ្រការ ចាត់ទុកខាងលើតាមសំណើរបស់ប្រទេសអ៊ុយក្រែន។ ប្រទេសជិតខាងរបស់​ខ្លួន គឺឡេតូនីបានចាត់ទុក សហព័ន្ធរុស្ស៊ីថាជា រដ្ឋភេរវករ ក្នុងខែសីហា ឆ្នាំ២០២២។ កន្លងមកលោក Joe Biden ប្រធានាធិបតីសហ រដ្ឋអាម៉េរិកបានថ្លែងកាលពីដើមខែកញ្ញា ឆ្នាំ២០២២ថា រុស្ស៊ីមិនគួរត្រូវបានចាត់ទុកថាជារដ្ឋគាំទ្រភេរវ និយមនោះឡើយ។ រុស្ស៊ីបានព្រមានថា ការចាត់ទុកខ្លួនបែបនោះ នឹងធ្វើឱ្យចំណងទាក់ទងរវាងសហរដ្ឋអាម៉េរិក​-សហព័ន្ធរុស្ស៊ីឈានដល់ទីបញ្ចប់…៕

https://www.urdupoint.com/en/world/estonian-parliament-votes-to-label-russia-as-1580353.html