សភាប្រទេសកេនយ៉ាចាប់ផ្តើមពិនិត្យពិភាក្សាលើសមាសភាពគណៈរដ្ឋមន្ត្រី

កាលពីថ្ងៃចន្ទ ទី១៧ ខែតុលា ឆ្នាំ២០២២ សភានៃសាធារណរដ្ឋកេនយ៉ា បានចាប់ផ្តើមដំណើរការ ពិនិត្យមើល​លើសមាសភាពគណៈរដ្ឋមន្ត្រីរបស់លោក William Ruto ប្រធានាធិបតីកេនយ៉ាអស់រយៈពេលជិត ៣ សប្តាហ៍ ចាប់តាំងពីសមាសភាពគណៈរដ្ឋមន្ត្រីទាំងនោះ ត្រូវបានប្រកាសជាសាធារណៈមក។  ​ការពិនិត្យមើលលើ​នីតិវិធីនេះ គឺ​ស្របតាមរដ្ឋធម្មនុញ្ញសម្រាប់សមាសភាពគ្រប់រូប ដែលត្រូវបានតែងតាំង តំណែងក្នុងគណៈរដ្ឋមន្ត្រី មុនពេលសមាជិគណៈរដ្ឋមន្ត្រីទាំងនោះ ស្បថចូលកាន់តំណែង។

​បេក្ខជន ៥ រូប គ្រោងបង្ហាញខ្លួន នៅមុនសមាជិកគណៈកម្មាធិការជំនាញនៃរដ្ឋសភាចំនួន ១៥ រូប ដែលត្រូវបានដឹកនាំដោយលោក Moses Wetangula ប្រធានរដ្ឋសភា​កេនយ៉ា។

​ការពិនិត្យមើលលើដំណើរការនេះ គ្រោងរៀបចំរហូតដល់ថ្ងៃទី២២ ខែតុលា ឆ្នាំ២០២២ ខាងមុខ។ លោកប្រធានាធិបតី Ruto បានប្រកាសជាសាធារណៈ អំពីឈ្មោះ​បេក្ខជន​​​គណៈរដ្ឋមន្ត្រីចំនួន ២២ រូប នៅថ្ងៃទី២២ ខែវិច្ឆិកា ឆ្នាំ២០២២។ បន្ទាប់ពី លោក Ruto បានស្បថចូលកាន់តំណែង។ មានតែរដ្ឋលេខាធិការទទួលបន្ទុកគណៈ​រដ្ឋមន្ត្រី ១ រូបគត់ ដែលធ្លាប់បានបម្រើការងារក្រោមអតីតរដ្ឋបាលនេះ ដែលត្រូវបានបន្តចូលកាន់តំណែងថ្មីនេះ។

​នៅពេលដែលរដ្ឋសភាផ្តល់សេចក្តីទុកចិត្ត និងស្បថចូលកាន់តំណែងគណៈរដ្ឋមន្ត្រីថ្មីនេះ ត្រូវបានគេរំពឹងថា នឹងត្រូវដោះស្រាយបញ្ហាប្រឈមផ្សេងៗ ដែលកំពុងប៉ះពាល់ដល់​ប្រទេសអាហ្វ្រិចខាងកើត។ បញ្ហាប្រឈមមួយចំនួន ក្នុងចំណោមបញ្ហាប្រឈមទាំងនោះ រួមមាន ភាពរាំងស្ងួតដែលបានបណ្តាលឱ្យបាត់បង់ជីវិតមនុស្សជាច្រើន, តម្លៃទំនិញ​សម្រាប់ផ្គត់ផ្គង់​ជីវភាពប្រចាំថ្ងៃឡើងខ្ពស់ និងអសន្តិសុខ៕

http://ព័ត៌មានសភាអន្តរជាតិ ១៨-១០-២២- កែវ ធាវីប្រែសម្រួលពី៖ https://africa.cgtn.com/2022/10/17/kenyas-parliament-begins-vetting-cabinet-nominees/