ទង់ជាតិ​សហភាព​អឺរ៉ុប​នៅ​ខាង​ក្រៅ​ទីស្នាក់ការ​គណៈកម្មាធិការ​សភាអឺរ៉ុប​ក្នុង​រដ្ឋធានី​ព្រុចសែល ប្រទេស​បែលហ្សិក

​គណៈកម្មាធិការកិច្ចការបរទេសរបស់សភាសហភាពអឺរ៉ុប បានអនុម័តនូវអនុសាសន៍មួយចំនួនទាក់ ទងនឹងស្ថានភាពនយោបាយនៅក្នុងប្រទេសលីប៊ី ដោយមានសំឡេងគាំទ្រ​ចំនួន ៤៩សំឡេង ប្រឆាំងចំនួន ៩សំឡេង និងអនុបវាទចំនួន ៥។

គណៈកម្មាធិការនេះ បានអំពាវនាវឱ្យសហភាពអឺរ៉ុបគាំទ្រកិច្ចខិតខំប្រឹងប្រែងសម្រាប់កំណែទម្រង់ រដ្ឋធម្មនុញ្ញនៅក្នុងប្រទេសលីប៊ី និងផែនទីបង្ហាញផ្លូវរបស់អង្គការសហ​ប្រជាជាតិឆ្ពោះទៅរកការបោះឆ្នោត ដោយសេរី និងយុត្តិធម៌ ព្រមទាំងកិច្ចខិតខំប្រឹងប្រែងការទូតបន្ថែមទៀតដើម្បីស្តារសន្តិភាព និងសន្តិសុខនៅក្នុងប្រទេសលីប៊ី។ គណៈកម្មាធិការ ក៏បានសង្កត់ធ្ងន់ផងដែរអំពីសារៈសំខាន់នៃរដ្ឋជាសមាជិកដែលសម្តែងមតិនៅលើឯកសាររបស់ប្រទេសលីប៊ី និងជៀសវាងវិធីសាស្រ្តពីមុន ដូចដែល​គណៈកម្មា​ធិការ​​​​បានអំពាវនាវឱ្យដកទាហានស៊ីឈ្នួល យុទ្ធជន និងកងកម្លាំងបរទេសទាំងអស់ចេញពីប្រទេសលីប៊ី រួមទាំងក្រុម Wagner របស់រុស្ស៊ីផងដែរ។ សហព័ន្ធរុស្ស៊ី អេមីរ៉ាត់អារ៉ាប់រួម និងប្រទេសតួក គីមិនត្រូវជ្រៀតជ្រែកក្នុងកិច្ចការរបស់ប្រទេសលីប៊ី និងជៀសវាងការលូកដៃតាមរយៈអន្តរាគមន៍យោធាដោយផ្ទាល់។ គណៈកម្មាធិការ​បានឱ្យដឹងទៀតថា ភាគីលីប៊ីត្រូវតែបដិសេធពីការប្រើប្រាស់ប្រេងជាឧបករណ៍សម្រាប់ការប្រឈមមុខ ដាក់គ្នាខាងផ្នែកនយោបាយ និងរក្សាកន្លែងប្រេង ព្រមទាំងកំពង់ផែ​បើកចំហ ដែលសហភាពអឺរ៉ុបអាចដំណើរការក្នុងបរិយាកាសដែលមានស្ថិរភាពជាងមុន ដែលនឹងជួយបង្កើនសមត្ថភាពលីប៊ី និងផ្លាស់ប្តូរការ ផ្គត់ផ្គង់ថាមពលរបស់សហភាព។

គណៈកម្មាធិការមានការព្រួយបារម្ភចំពោះអាជ្ញាធរលីប៊ី ក្នុងការលុបចោលកិច្ចព្រមព្រៀងតួកគី-លីប៊ី ឆ្នាំ២០១៩ ស្តីពីការកំណត់ព្រំដែនសមុទ្រនៅសមុទ្រមេឌីទែរ៉ាណេ ហើយ​បាន​ស្នើសុំភាគីពាក់ព័ន្ធមិន អនុវត្តន៍ប្រការណាមួយដែលរួមបញ្ចូលនៅក្នុង MoU ជាបន្តបន្ទាប់ស្តីពីអ៊ីដ្រូកាបូន(ឧស្ម័នធ្យូងថ្ម) ៕

http://ព័ត៌មានសភាអន្តរជាតិ ១៧-១០-២២-ផាត់ ត្រដែត ប្រែសម្រួលពី៖ https://www.libyanexpress.com/eu-parliament-calls-for-united-stand-on-libya/