សមាជិកព្រឹទ្ធសភាសហរដ្ឋអាមេរិកមួយក្រុម​ដែលមកពីគណបក្សប្រជាធិបតេយ្យ បានប្រកាសអាសន្នអំពី កង្វះខាតមន្រ្តីបម្រើការងារបោះឆ្នោត សម្រាប់ការបោះឆ្នោត​ពាក់​កណ្តាល​អាណត្តិដែលនឹងប្រព្រឹត្តិទៅនៅ ថ្ងៃទី៨ ខែវិច្ឆិកា ឆ្នាំ២០២២ ហើយបានលើកឡើងថាការគំរាមកំហែង និងការរំលោភបំពាន គឺជាកត្តាដែល ធ្វើឱ្យការជ្រើសរើស​មន្រ្តីសំខាន់ៗសម្រាប់បម្រើការងារបោះឆ្នោត ជួបឧបសគ្គ។

ក្នុងលិខិតមួយចុះថ្ងៃទី៦ ខែតុលា ឆ្នាំ២០២២ ផ្ញើជូនគណៈកម្មការមន្រ្តីជំនួយការបោះឆ្នោតសហរដ្ឋអាមេរិក សមាជិកព្រឹទ្ធសភាគណបក្សប្រជាធិបតេយ្យចំនួន១៣រូប និង​សមាជិក​ព្រឹទ្ធសភាឯករាជ្យដែលមានទំនោរទៅកាន់គណបក្សប្រជាធិបតេយ្យ បានអំពាវនាវឱ្យទីភ្នាក់ងារសហព័ន្ធបង្កើនកិច្ចខិតខំប្រឹងប្រែងក្នុង​ការជួយគាំទ្រដល់ទីភ្នាក់ងារ​របស់​រដ្ឋនានាសម្រាប់ការជ្រើសរើសមន្រ្តីបម្រើការងារបោះឆ្នោត ដែលចាំបាច់សម្រាប់ការងារការបោះឆ្នោតពាក់កណ្តាលអាណត្តិ ដែលនឹងប្រព្រឹត្តិនៅក្នុងខែក្រោយនេះ។
គួរកត់​សម្គាល់ថា នៅក្នុងការបោះឆ្នោតពាក់កណ្តាលអាណត្តិ (ឬហៅម៉្យាងទៀតថាការបោះឆ្នោតពាក់កណ្តាលអាណត្តិប្រធានាធិបតី) ពលរដ្ឋអាមេរិកដែលសិទ្ធិបោះឆ្នោត នឹងធ្វើ​ការ​បោះឆ្នោត​ជ្រើសតាំង​សមាជិកសភា អភិបាលរដ្ឋ និងមន្រ្តីសំខាន់ៗរបស់រដ្ឋនិងរបស់តំបន់។ អ្នកនយោបាយគណបក្ស សាធារណរដ្ឋមានសុទិដ្ឋិនិយមថា ការបោះឆ្នោត​ពាក់កណ្តាល​​​ខាង​មុខ នឹងនាំឱ្យគណបក្សរបស់ខ្លួនអាចគ្រប់គ្រងសភាតំណាង ឬក៏អាចឈានទៅដល់ការគ្រប់គ្រងបាននូវព្រឹទ្ធសភាទៀតក៏ថាបាន ដែលបច្ចុប្បន្ននេះសភា​ទាំងពីរ​​​ថ្នាក់នេះ កំពុងត្រូវបានគ្រប់គ្រងដោយគណបក្សប្រជាធិបតេយ្យ ដែលមានអាសនៈលើសគណបក្សសាធារណរដ្ឋបន្តិចបន្តួចតែប៉ុណ្ណោះ…៕

https://www.reuters.com/world/us/us-senate-democrats-cite-insufficient-election-workers-ahead-midterms-2022-10-14/