លោក Abdul Latif Rashid ក្លាយជាប្រធានាធិបតីទី៤ របស់ប្រទេសអ៊ីរ៉ាក់

សភានៃសាធារណរដ្ឋអ៊ីរ៉ាក់បានឱ្យដឹងថា ថ្ងៃព្រហស្បតិ៍ ទី១៣ ខែតុលា ឆ្នាំ២០២២ សមាជិកសភាអ៊ីរ៉ាក់បាន  បោះឆ្នោតជ្រើសរើសលោក Abdul Latif Rashid ជាប្រធានា​ធិបតីថ្មីនៃប្រទេសអ៊ីរ៉ាក់ ដែលជាជំហានដ៏សំខាន់មួយ ឆ្ពោះទៅរកការបង្កើតរដ្ឋាភិបាលថ្មីសម្រាប់ប្រទេសអ៊ីរ៉ាក់។ យោងតាមការិយាល័យប្រព័ន្ធផ្សព្វផ្សាយរបស់សភាបាន ឱ្យដឹងថា លោក Rashid ទទួលបានការគាំទ្រចំនួន ១៦២សំឡេង នៅក្នុងការបោះឆ្នោតជុំទី២ ដោយបានយក ឈ្នះលោក Barham Salih ដែលទទួលបានការគាំទ្រចំនួន ៩៩​សំឡេង ខណៈដែល ៨សំឡេង ត្រូវបានចាត់ទុក ថាមិនត្រឹមត្រូវ។ នៅក្នុងការបោះឆ្នោតជុំទី១ គ្មានបេក្ខភាពប្រធានាធិបតីណាម្នាក់ក្នុងចំណោម ៣៩រូប ទទួលបាន សំឡេង​គាំទ្រ​២/៣នៃសមាជិកសភាសរុបចំនួន ៣២៩រូប ប៉ុន្តែលោក Rashid ទទួលបាន ១៥៦សំឡេង ហើយ លោក Salih ឈរនៅលេខរៀងទី២ ដោយទទួលបាន៩៩សំឡេង។ យោងតាមរដ្ឋធម្មនុញ្ញអ៊ីរ៉ាក់ ប្រធានាធិបតី ជាប់ឆ្នោតត្រូវប្រមូលសំឡេងយ៉ាងតិច២/៣នៃសមាជិកសភាចំនួន ៣២៩រូប….៕

https://english.news.cn/20221014/fd868b7a78c246c4904d4fce7b8456b2/c.html