សម័យប្រជុំរបស់សភាឃឺដ

កាលពីថ្ងៃអាទិត្យ ទី០៩ ខែតុលា ឆ្នាំ២០២២ សមាជិកសភានៃតំបន់ Kurdistan ពាក់កណ្តាលស្វយ័តរបស់ សាធារណរដ្ឋអ៊ីរ៉ាក់បានបោះឆ្នោត ដើម្បីបន្តអាណត្តិសភា​​រយៈពេល​មួយឆ្នាំទៀត នៃសភាបច្ចុប្បន្នដែល បានរយៈពេល ៤ឆ្នាំ។ សភាក្នុងតំបន់បានឱ្យដឹងនៅក្នុងសេចក្តីថ្លែងការណ៍មួយថា នៅក្នុងសម័យប្រជុំមួយដែល បានធ្វើឡើង​នៅក្នុងសភាដែលមានអាសនៈចំនួន ១១១អាសនៈ សេចក្តីព្រាងច្បាប់នេះ ទទួលបានការគាំទ្រពី សមាជិកសភាភាគច្រើនចំនួន ៨០សំឡេង ដោយមានសមាជិកសភាមកពី​គណបក្សប្រឆាំងឃឺដ ជាច្រើនបាន បដិសេធ ដែលមកពីគណបក្សឥស្លាម និងសមាជិកសភាឯករាជ្យ។ យោងតាមសេចក្តីថ្លែងការណ៍ បានឱ្យដឹង បន្ថែមទៀតថា គោលដៅនៃ​សេចក្តី​ព្រាងច្បាប់នេះ គឺដើម្បីទប់ស្កាត់ការខ្វះចន្លោះផ្នែកច្បាប់ និងធានានូវដំណើរការ រលូននៃស្ថាប័នរដ្ឋធម្មនុញ្ញ ។ ការពន្យារពេលនេះ បានធ្វើឡើងបន្ទាប់ពីគណបក្ស​នយោបាយឃឺដបានបរាជ័យក្នុង ការរៀបចំការបោះឆ្នោតថ្នាក់តំបន់កាលពីថ្ងៃទី០១ ខែតុលា ឆ្នាំ២០២២ ដែលជាកាលបរិច្ឆេទកំណត់ដោយលោក Nechirvan Barzani ប្រធានតំបន់ កាលពីខែកុម្ភៈ៕

https://english.news.cn/20221010/d02bf965c6c842fea62aed251198a83d/c.html