សភានៃសាធារណរដ្ឋឥណ្ឌូនេស៊ី ក្រោមកិច្ចសហការជាមួយសហភាពអន្តរសភា​(IPU) បានរៀបចំនូវវេទិកាសភា និងកិច្ចប្រជុំកំពូលរបស់ប្រធានសភានៃប្រទេសG20 លើកទី៨ (P:20 The Parliamentary Forum and The Eight G20 Parliamentary Speaker’s Summit) នៅថ្ងៃទី៥-៧ ខែតុលា ឆ្នាំ២០២២ ក្នុងរដ្ឋធានីហ្សាការតា​ នៃប្រទេសឥណ្ឌូនេស៊ី។ នៅក្នុងកិច្ចប្រជុំខាងលើ ប្រធានសភានៃប្រទេសចូលរួម បានគូសបញ្ជាក់ថា ភាពខ្លាំងរបស់សភាគឺមានសារៈសំខាន់ខ្លាំងណាស់សម្រាប់ភាពរឹងមាំនៃ​លទ្ធិប្រជាធិបតេយ្យ ពីព្រោះច្បាប់និងគោលនយោបាយនានា ដែលតាក់តែងដោយសភា គឺគិតគូរដល់ប្រជាពលរដ្ឋជាចម្បង។ ប្រធានសភាខាងលើ បានអំពាវនាវឱ្យរដ្ឋាភិបាល​នៃប្រទេសG20 ធ្វើការងារឱ្យបានសកម្មជាងមុនជាមួយសភា និងទទួលស្គាល់ជាផ្លូវការនូវតួនាទីរបស់P20 ដើម្បីធានាថា សំឡេងរបស់ប្រពលរដ្ឋដែលមានសមា ជិកសភាជា​តំណាងសំឡេងនេះគឺពិតត្រូវបន្លឺឡើងនៅក្នុងកិច្ចប្រជុំនៃប្រទេសG20។

​វេទិកាសភា និងកិច្ចប្រជុំកំពូលរបស់ប្រធានសភានៃប្រទេសG20ឆ្នាំនេះ គឺជាលទ្ធផលនៃកិច្ចប្រជុំកំ ពូលរបស់ប្រធានសភានៃប្រទេសG20ឆ្នាំមុនៗ (ឆ្នាំ២០២១ ក្នុងរដ្ឋធានីរ៉ូម​ប្រទេស​អ៊ីតាលី, ឆ្នាំ២០១៩ ក្នុងប្រទេសជប៉ុន និងឆ្នាំ២០១៨ ក្នុងប្រទេសអាហ្សង់ទីន)។ វត្ថុបំណងនៃវេទិកា និងកិច្ចប្រជុំកំពូលនេះ គឺដើម្បីជួយពង្រឹង(នៅក្នុងក្របខណ្ឌ​សភា) ដល់កិច្ចខិតខំប្រឹងប្រែងរបស់ប្រទេសG20 ក្នុងការដោះស្រាយការប្រឈមនានាដែលពិភពលោកកំពុងជួបប្រទះ។ ផលវិបាកដ៏ធ្ងន់ធ្ងរនៃសង្រ្គាមក្នុងប្រទេសអ៊ុយក្រែន វិ- បត្តិថាមពលនិងស្បៀងអាហារ ការធ្លាក់ចុះផ្នែកសេដ្ឋកិច្ចដែលកំពុងលេចជារូបរាងឡើងបន្តិចម្តងៗ គ្រោះអាសន្នផ្នែកអាកាសធាតុ និងគ្រោះថ្នាក់នៃមហន្តរាយដែល​បណ្តាល​មកពី​ការប្រើប្រាស់អាវុធនុយក្លែអ៊ែរ ទាំងអស់នេះ គឺសុទ្ធតែត្រូវការឱ្យមានការឆ្លើយតបដែលមានលក្ខណៈសម្របសម្រួលរវាងសភានៃបណ្តា​ប្រទេសនានា​ក្នុង​ពិភពលោក គឺមានន័យថាសភាដើរតួនាទីដ៏សំខាន់មួយក្នុងការជួយដោះស្រាយការប្រ-ឈមខាងលើ។

​លោកស្រីPaun Maharani ប្រធានសភាតំណាងរបស់ប្រទេសឥណ្ឌូនេស៊ី បានលើកឡើងថា៖”នៅ ពេលនេះ ប្រវត្តិសាស្រ្តកំពុងតែផ្តល់ឱ្យយើងនូវឱកាស ឱកាសសម្រាប់​សភា​នៃប្រទេសG20 ក្នុងការកសាង នូវសណ្តាប់ធ្នាប់ពិភពលោកដែលល្អប្រសើរជាងមុន។ ការប្តេជ្ញារបស់សភានៃប្រទេសG20គឺ៖ ធ្វើឱ្យសភាខ្លាំងជាងមុន សម្រាប់ការងើប​ឡើងវិញប្រកបដោយចីរភាព(Stronger Parliamentary for Sustainable Recovery)។ យើងត្រូវតែទទួលយកឱកាសនេះ ដើម្បីកសាងពិភពលោកមួយ ដែលមានមុខ​មនុស្សមានវប្បធម៌នៃការស្រលាញ់ទង្វើមនុស្សធម៌ ស្រលាញ់សន្តិភាព និងស្រលាញ់បរិស្ថានធម្មជាតិ។”

​លោកDuarte Pacheco ប្រធានសហភាពអន្តរសភា(IPU) ក៏បានថ្លែងក្នុងព្រឹត្តិការណ៍ខាងលើផងដែរថា៖ ”បច្ចុប្បន្ននេះយើងកំពុងតែមើលឃើញថា ខ្លួនយើងកំពុងតែស្ថិត​នៅ​កន្លែងមានគ្រោះថ្នាក់ កន្លែង ដែលជីវិតទាំងអស់កំពុងស្ថិតក្រោមការគំរាមកំហែងយ៉ាងធ្ងន់ធ្ងរ។ យើងមិនអាចបណ្តោយឱ្យការប្រឈម ធំៗរបស់ពិភពលោក នៅតែបន្តតទៅ​ទៀតដោយមិនបានខិតខំប្រឹងប្រែងដោះស្រាយឡើយ។ ពេលវេលានេះគឺជាពេលវេលានៃការដែលត្រូវធ្វើសកម្មភាព ត្រូវបង្ហាញការទទួលខុសត្រូវ និងបង្ហាញភាពអង់អាច​ផ្នែកនយោបាយ”។

​លោកAntonio Guterres អគ្គលេខាធិការអង្គការសហប្រជាជាតិ បានថ្លែងតាមរយៈវីដេអូប្រជុំពីចម្ងាយថា៖ ”យើងកំពុងប្រឈមនឹងបញ្ហាជាច្រើន សុទ្ធតែជាបញ្ហាមាន​អានុភាព​ខ្លាំង៖ អតិផរណាដែលកំ- ពុងមានកំណើនខ្លាំងឡើង(soaring inflation) បំណុលវ័ណ្ឌក(crushing debt) វិសមភាពដែលមានវិសាលភាពធំឡើងៗ(widening inequality) ភាពក្រីក្រទៅៗ(deepening poverty) វិបត្តិធ្ងន់ធ្ងរ​ដែលលំបាកគ្រប់គ្រង(raging conflicts) និងភពផែនដីកំពុងកើនកំដៅ(burning planet)។” លោកAntonio បានទទូចឱ្យសមាជិកសភា ”ប្រើប្រាស់នូវអំណាចទាំងអស់ដែលខ្លួនមាន” ដើម្បីកសាងពិភពលោកមួយដែលមានសុខសន្តិភាពជាងមុន ឆាប់ងើបឡើងវិញជាងមុន និងមាន​ចីរភាពជាងមុន។

​កិច្ចប្រជុំកំពូលរបស់ប្រធានសភានៃប្រទេសG20ខាងលើ មានការចូលរួមពីគណៈប្រតិភូសភានៃប្រ ទេសG20 រួមមាន សាធារណរដ្ឋប្រជាមានិតចិន, សាធារណរដ្ឋឥណ្ឌា, សាធារណរដ្ឋកូរ៉េ, សាធារណរដ្ឋអា ហ្រ្វិកខាងត្បូង, សាធារណរដ្ឋតួកគី, សហព័ន្ធរុស្ស៊ី,​ ចក្រភពអង់គ្លេស, និងសហរដ្ឋអាមេរិក។ ភ្ញៀវសង្កេត ការណ៍នៅក្នុងកិច្ចប្រជុំ​កំពូល​ខាងលើរួមមានមេដឹកនាំនៃសាធារណរដ្ឋអាស៊ែបៃហ្សង់ ព្រះរាជាណាចក្រកម្ពុជា អ៊ុយក្រែន និងអេមីរ៉ាតអារ៉ាប់រួម។

​ប្រធានសភានិងសមាជិកសភាដែលមានវត្តមានក្នុងកិច្ចប្រជុំកំពូលខាងលើ ប្តេជ្ញាចិត្តធ្វើឱ្យលទ្ធផល នៃកិច្ចប្រជុំកំពូលនេះ ក្លាយជាចំណាប់អារម្មណ៍របស់ប្រមុខ​រដ្ឋ-ប្រមុខរដ្ឋា​ភិបាល​នៃប្រទេសរបស់ខ្លួន មុនពេលដែលថ្នាក់ដឹកកំពូលទាំងអស់នោះ អញ្ជើញចូលរួមក្នុងកិច្ចប្រជុំកំពូលប្រទេសG20 នៅថ្ងៃទី១៥-១៦ ខែវិច្ឆិកា ឆ្នាំ២០២២ នៅក្នុង​ប្រទេស​ឥណ្ឌូនេស៊ីដែរ។ G20 គឺជាវេទិ​កានៃក្រុមប្រទេសដែលមានសេដ្ឋកិច្ចធំបំផុតនៅក្នុងពិភពលោក។ ទាំង២០ប្រទេសនោះរួមបញ្ចូលគ្នា មានផលិតផលសរុប​ពិភព​លោក​​​ (gross world product) ប្រហែល៨០%  និងប្រជាជនប្រហែល២ភាគ៣ នៃប្រជាជនទូទាំងពិភពលោក។

គណៈប្រតិភូជាន់ខ្ពស់នៃសភាប្រទេសរុស្ស៊ី និងគណៈប្រតិភូជាន់ខ្ពស់នៃសភាអ៊ុយក្រែន ក៏ត្រូវបាន គេរំពឹងថានឹងចូលរួមក្នុងមហាសន្និបាតសហភាពអន្តរសភាលើកទី១៤៥ ក្នុងរដ្ឋធានីគីហ្កាលី ប្រទេសរវ៉ាន់ ដាផងដែរ៕

http://ព័ត៌មានពីអង្គសភាអន្តរជាតិ ០៨-១០-២២- មាស តូនី ប្រែសម្រួលពី៖ https://www.ipu.org/news/news-in-brief/2022-10/parliamentary-leaders-call-g20-actively-engage-with-parliaments