លោក Andrey Kartapolov ប្រធានគណៈកម្មាធិការការពារជាតិនៃសភាជាន់ទាបសហព័ន្ធរុស្ស៊ី

លោក Andrey Kartapolov ប្រធានគណៈកម្មាធិការការពារជាតិនៃសភាជាន់ទាបសហព័ន្ធរុស្ស៊ី បានរិះគន់ក្រសួងការពារជាតិរុស្ស៊ីថា មិនបានរាយការណ៍ព័ត៌មានពិតអំពី​សកម្មភាពយោធារបស់រុស្ស៊ីនៅក្នុងប្រទេសអ៊ុយក្រែន។

​ក្រសួងការពារជាតិត្រូវតែឈប់ភូតកុហកព័ត៌មានស្តីពី សកម្មភាពសង្គ្រាមក្នុងប្រទេសអ៊ុយក្រែនបន្តទៀត។ យើងបានលើកបញ្ហានេះ ជាច្រើនលើកច្រើនសាររួចមកហើយ ប៉ុន្តែ មិនដឹងជាយ៉ាងម៉េច បានជាព័ត៌មានទាំងនេះ មិនបានជ្រាបដល់ថ្នាក់ដឹកនាំរដ្ឋាភិបាល។ លោក Kartapolov ធ្លាប់បានអានរបាយការណ៍ស្តីពី ការិយាល័យព័ត៌មានរបស់​សហភាពសូវៀត​ឆ្នាំ ១៩៤១ ខណៈដែលយោធាអាល្លឺម៉ង់សម្រុកចូលទីក្រុងមូស្គូ។ ពួកគេបានរាយការណ៍ដោយបើកចំហថា យើងបានកំពុងដកទ័ពថយ។ ប៉ុន្តែ ក្នុងរបាយការណ៍​ទាំងអស់ពួកគេតែងតែបានរាយការណ៍ថា កងពលនេះកងពលនោះ ទទួលបានជ័យជំនះលើសត្រូវរបស់ខ្លួន, អាកាសយានិករបស់យើងបានកំទេចសត្រូវអស់ជាច្រើននាក់, ការខូចខាតរបស់យើងក៏ច្រើនណាស់ដែរ ហើយប្រជាជនបានយល់អំពីគ្រោះថ្នាក់នេះ, ពួកគេបានយល់ថា សត្រូវបានកំពុងឈ្លានពាននៅក្នុងទឹកដីរបស់យើង។ ឥឡូវនេះ សត្រូវមួយក៏កំពុងតែនៅលើទឹកដីរបស់យើងផងដែរ។ នេះបើកតាមការថ្លែងរបស់លោក Kartapolov ដែលត្រូវបានផ្សាយបន្តផ្ទាល់តាមទូរទស្សន៍ Solovyov។

​លោក Kartapolov បានថ្លែងទៀតថា ទីប្រជុំជនជាច្រើននៅតាមព្រំដែននៃតំបន់ Belgorod របស់    រុស្ស៊ី គឺត្រូវបានបំផ្លាញទាំងស្រុង ហើយប្រជាពលរដ្ឋរុស្ស៊ីបានដឹងការពិត​អំពី​ព្រឹត្តិការណ៍នេះពីអ្នកដែលខ្លួនទុកចិត្ត ដែលរួមមាន អភិបាលមូលដ្ឋាន និងអ្នកតាក់តែងយុទ្ធសាស្ត្រសង្គ្រាមដែលគាំទ្ររដ្ឋាភិបាលវិមានក្រឹមឡាំង ប៉ុន្តែ មិនមែនទទួល​បានព័ត៌មាននេះ ពីរបាយការណ៍របស់ក្រសួងការពារជាតិរុស្ស៊ីឡើយ។ ប្រជាពលរដ្ឋរបស់យើងបានយល់ និងមិនល្ងង់ឡើយ។ ប្រជាពលរដ្ឋមើលឃើញថា អាជ្ញាធរមាន​ចេតនា​មិនចង់ប្រាប់ព័ត៌មានពិតដល់ពួកគាត់ ដែលអាចនាំទៅរកការបាត់ទំនុកចិត្ត៕

http://ព័ត៌មានសភាអន្តរជាតិ ០៧-១០-២២- កែវ ធាវីប្រែសម្រួលពី៖ https://meduza.io/en/news/2022/10/05/state-duma-deputy-asks-defense-ministry-to-stop-lying-about-the-war