លោក Hayk Konjoryan ប្រធានក្រុមសមាជិកសភាសំឡេងភាគច្រើនគណបក្សកាន់អំណាច ​គឺគណបក្ស Civil Contract របស់ប្រទេសអាមេនី

​លោក Hayk Konjoryan ប្រធានក្រុមសមាជិកសភាសំឡេងភាគច្រើន មកពីគណបក្សកាន់អំណាច គឺគណបក្ស Civil Contract នៃសាធារណរដ្ឋអាមេនី បានរាយការណ៍​ត្រួសៗ​ជូនសមាជិកសមាជិកាសភាតំណាងសហរដ្ឋអាមេរិកជាច្រើនរូបអំពី ការប្រឆាំងនឹងភាពឃោរឃៅរបស់ប្រទេស​អាស៊ែបៃហ្សង់ មកលើអ្នកទោសសង្គ្រាម​អាមេនី។ កាលពីថ្ងៃអង្គារ ទី០៤ ខែតុលា ឆ្នាំ២០២២​ លោក Konjoryan បានបង្ហោះព័ត៌មាននេះនៅលើបណ្តាញទំនាក់ទំនងសង្គម Facebook របស់លោក ។

​លោក Konjoryan បានសរសេរនៅលើបណ្តាញទំនាក់ទំនងសង្គម Facebook របស់លោកថា ​កាលពីថ្ងៃអង្គារ ទី០៤ ខែតុលា​ ឆ្នាំ២០២២ «ដោយសារតែប្រធានក្រុម​មិត្តភាព​សភា​អាមេនីជាមួយសភាសហរដ្ឋអាមេរិក លោក Konjoryan បានផ្ញើលិខិតជាច្រើនច្បាប់ទៅសមាជិកសមាជិកាសភា តំណាងសហរដ្ឋអាមេរិកជាច្រើនរូប រួមមាន លោក Gus Bilirakis, លោក Frank Pallone, លោកស្រី Jackie Speier, និងលោក David Valadao  សហប្រធាននៃកិច្ចប្រជុំសភាអាមេនី-សភាសហរដ្ឋអាមេរិក  រួមទាំង លោក Adam Schiff អនុប្រធាននៃកិច្ចប្រជុំនេះផងដែរ បានរាយការណ៍លំអិតអំពី ​ការឈ្លានពានដោយកងកម្លាំងយោធាដែលបង្កឡើងដោយ​ប្រទេសអាស៊ែបៃហ្សង់​មកលើ​ប្រទេសអាមេនី។ ភាពឃោរឃៅរបស់កម្លាំងយោធាប្រទេសអាស៊ែបៃហ្សង់ដែលបានប្រព្រឹត្តមកលើអ្នកទោសង្គ្រាមអាមេនី»។

​លោក Konjoryan ក៏បានអំពាវនាវផងដែរឱ្យសហសេវិកសហរដ្ឋអាមេរិកទាំងអស់ បន្តជាមួយនឹងសកម្មភាពនានាដែលបានកំណត់ ដើម្បីដាក់សម្ពាធលើប្រទេស​អាស៊ែ​បៃហ្សង់កុំឱ្យឈ្លាពានប្រទេស​អាមេនី, ការដកកងទ័ពអាស៊ែបៃហ្សង់ចេញពីទឹកដីអធិបតេយ្យភាពអាមេនី, ដោះលែងអ្នកទោស​សង្គ្រាមអាមេនីទាំងអស់​ជាបន្ទាន់​​​ និងនាំ​អ្នក​ទទួល​ខុសត្រូវ​ក្នុងឧក្រិដ្ឋកម្មសង្គ្រាមទាំងនេះទៅតុលាការ ដើម្បីជំនុំជំរះ៕

http://ព័ត៌មានសភាអន្តរជាតិ ០៥-១០-២២- កែវ ធាវីប្រែសម្រួលពី៖ https://news.am/eng/news/723365.html