លោក Boyko Borisov​ អតីតនាយករដ្ឋមន្រ្តីនៃសាធារណរដ្ឋប៊ុលហ្គារី

 ​កាលពីថ្ងៃចន្ទ ទី០៣ ខែតុលា ឆ្នាំ២០២២ គណៈកម្មាធិការកណ្តាលរៀបចំការបោះឆ្នោតនៃសាធា     រណរដ្ឋប៊ុលហ្គារី បានថ្លែងឱ្យដឹងថាគណបក្សប្រឆាំង គឺគណបក្សពលរដ្ឋ​ដើម្បី​ការអភិវឌ្ឍអឺរ៉ុបសម្រាប់ ប៊ុលហ្គារី(GERB) ដែលដឹកនាំដោយលោក Boyko Borisov អតីតនាយករដ្ឋមន្រ្តីប៊ុលហ្គារី កំពុងតែនាំមុខនៅក្នុងការបោះឆ្នោតជ្រើសតាំង​សមាជិកសភាមុនកាលកំណត់ នាថ្ងៃអាទិត្យ ទី០២ ខែតុលា ឆ្នាំ២០២២។ គណៈកម្មការកណ្តាលរៀបចំការបោះឆ្នោតបានថ្លែងឱ្យដឹងបែបនេះ បន្ទាប់ពីដំណើរការរាប់​សន្លឹក​ឆ្នោតបានជាង ៩៩%។

​គណបក្សពលរដ្ឋដើម្បីការអភិវឌ្ឍអឺរ៉ុបសម្រាប់ប៊ុលហ្គារី(GERB) និងក្រុមចម្រុះបង្រួបបង្រួមកម្លាំងប្រជាធិបតេយ្យប៊ុលហ្គារី ពេលនេះទទួលបានសំឡេងឆ្នោត ២៥.៤៣%។ ខណៈដែលគណបក្សនិយម   កណ្តាល គឺគណបក្សយើងបន្តការផ្លាស់ប្តូរ(PP) ដែលដឹកនាំដោយសហប្រធាន លោក Kiril Petkov អតីតនាយករដ្ឋមន្រ្តី​ប៊ុលហ្គារី ទទួលបានសំឡេងឆ្នោតលំដាប់ទី២ ចំនួន ២០.២១%។ នាពលមុននោះ បន្ទាប់ពីដំណើរការរាប់សន្លឹកឆ្នោតបានជាង ៥១% គណៈកម្មការរៀបចំការបោះឆ្នោត​ប៊ុលហ្គារី​បានថ្លែង ថា គណបក្ស GERB និងក្រុមចម្រុះបង្រួបបង្រួមកម្លាំងប្រជាធិបតេយ្យប៊ុលហ្គារី ទទួលបាន ២៥.៦៤% ខណៈដែលគណបក្សយើងបន្តការផ្លាស់ប្តូរ(PP) ទទួលបានសំឡេងឆ្នោត ២០.៨៧%។

​កាលពីខែមិថុនា ឆ្នាំ២០២២ សភាប៊ុលហ្គារីបានបោះឆ្នោតដកសេចក្តីទុកចិត្តពីរដ្ឋាភិបាលចម្រុះ ហើយគណៈរដ្ឋមន្រ្តីដែលដឹកនាំដោយលោកអតីតនាយករដ្ឋមន្រ្តី Petkov បានបង្ខំចិត្តលាលែងពីមុខតំណែង។ ក្រោយមកមានការប៉ុនប៉ងបង្កើតរដ្ឋាភិបាលថ្មីមួយ ប៉ុន្តែមិនទទួលបានជោគជ័យនោះឡើយ។ គួរបញ្ជាក់ផងដែរថា ប្រទេសប៊ុលហ្គារីបាន​រៀបចំ​ការបោះឆ្នោតជ្រើសតាំងសមាជិកសភាមុនកាលកំណត់ ៣ដង នៅក្នុងឆ្នាំ២០២១ ដោយសារតែមិនមានគណបក្សណាមួយអាចបង្កើតរដ្ឋាភិបាលបាន។ នៅក្នុង ខែវិច្ឆិកា ឆ្នាំ២០២១ នៅទីបំផុតសមាជិកសភាបានបង្កើតក្រុមចម្រុះ ៤គណបក្ស រវាងគណបក្ស PP Kគណបក្សជនសង្គមនិយមប៊ុលហ្គារី គណបក្ស ITN និងគណបក្ស​ប្រជាធិបតេយ្យប៊ុលហ្គារី ដោយបាន បញ្ចប់នូវវិបត្តិបង្កើតរដ្ឋាភិបាលរយៈពេល ១ខែ។ រាល់ការបោះឆ្នោតជ្រើសតាំងសមាជិកសភាម្តងៗ ត្រូវបានគេមើលឃើញថា មានចំនួន​អ្នកចេញទៅបោះឆ្នោតតិចជាង ៤០% គ្រប់ពេលទាំងអស់៕

http://ព័ត៌មានសភាអន្តរជាតិ ០៤-១០-២២- ឈាវ សុផាត ប្រែសម្រួលពី៖ https://www.urdupoint.com/en/world/update-opposition-party-of-bulgarias-ex-pr-1572078.html