លោក Ruslan Stefanchuk ប្រធានសភាប្រទេសអ៊ុយក្រែន

 ​សារព័ត៌មាន MENAFN– UkrinForm៖ លោក Ruslan Stefanchuk ប្រធានសភាប្រទេស            អ៊ុយក្រែន និងលោកស្រី Yaël Braun-Pivet ប្រធានរដ្ឋសភានៃ​សាធារណរដ្ឋ​បារាំង បានធ្វើទស្សនកិច្ចនៅតំបន់ Chernihiv នៃប្រទេសអ៊ុយក្រែន។ លោក Stefanchuk បានបង្ហោះសារនៅលើបណ្តាញទំនាក់ទំនងសង្គមថា កាលពីថ្ងៃពុធ ទី២៨ ខែកញ្ញា ឆ្នាំ២០២២ លោក Stefanchuk បានធ្វើទស្សនកិច្ចនៅតំបន់ Chernihiv រួមជាមួយលោកស្រី Yaël Braun-Pivet ប្រធានរដ្ឋសភាបារាំង។

​លោក Stefanchuk បានកត់សម្គាល់ថា តំបន់ Chernihiv គឺជាតំបន់មួយក្នុងចំណោមតំបន់ជាច្រើន ដែលត្រូវបានរងផលប៉ះពាល់ខ្លាំងជាងគេ ដោយការឈ្លានពានរបស់រុស្ស៊ី។ យោងតាមលោក Vyacheslav Chaus ប្រធានរដ្ឋបាលយោធាអ៊ុយក្រែនប្រចាំតំបន់ Chernihiv នោះ បានឱ្យដឹងថា អាគារស្នាក់នៅចំនួន ៨,៥០០ ខ្នង ត្រូវបានបំផ្លាញដោយ​សកម្មភាព​បង្កសង្គ្រាមនេះ។ លើសពីនេះទៀត ស្ពានចំនួន ៣៣ កន្លែង ត្រូវបានបំផ្លាញ, ផ្លូវប្រវែង ១.០០០ គីឡូម៉ែត្រ ត្រូវបានខូចខាតនៅក្នុងតំបន់នេះ។

​ឥឡូវតំបន់ Chernihiv នេះ ត្រូវការជំនួយជាបឋម ដើម្បីកសាងហេដ្ឋារចនាសម្ព័ន្ធឡើងវិញ។ ​លោក Stefanchuk បានសម្តែងនូវការដឹងគុណចំពោះរដ្ឋាភិបាលបារាំង ដែល​បាន​ចូលរួមចំណែក យ៉ាងសកម្មក្នុងការស្តារប្រទេសអ៊ុយក្រែនឡើងវិញ ជាពិសេស តំបន់ Chernihiv ដែលកំពុងរងភាពខ្ទេចខ្ទាំ នេះបើតាមការបញ្ជាក់របស់លោក Stefanchuk។

តាមសេចក្តីរាយការណ៍ រដ្ឋាភិបាលអ៊ុយក្រែនបានត្រៀមបម្រុងថវិកាជាតិចំនួន ២៥០ លាន Ukrainian hryvnia សម្រាប់ការស្តារជាអាទិភាពលើរហេដ្ឋារចនាសម្ព័ន្ធ និង​វិស័យសំខាន់ៗរបស់ជាតិ៕

http://ព័ត៌មានសភាអន្តរជាតិ ៣០-០៩-២២- កែវ ធាវីប្រែសម្រួលពី៖ https://menafn.com/1104940677/Verkhovna-Rada-Chair-President-Of-National-Assembly-Of-France-Visit-