សភាប្រឹក្សានយោបាយប្រជាជនចិននឹងបើកកិច្ចប្រជុំរបស់ខ្លួននៅចុងខែតុលា ឆ្នាំ២០២២ ខាងមុខ

គណៈកម្មាធិការអចិន្ត្រៃយ៍នៃគណៈកម្មាធិការជាតិសភាប្រឹក្សានយោបាយប្រជាជនចិននីតិកាលទី១៣ ដែលជាស្ថាប័នប្រឹក្សានយោបាយកំពូលចិន នឹងបើកកិច្ចប្រជុំលើកទី២៤ របស់ខ្លួន ពីថ្ងៃទី៣១-០២ ខែតុលា ឆ្នាំ២០២២ ខាងមុខ។ ការសម្រេចបើកកិច្ចប្រជុំនេះ បានធ្វើឡើងកាលពីថ្ងៃចន្ទ ទី២៦ ខែកញ្ញា ឆ្នាំ២០២២ នៅក្នុងកិច្ចប្រជុំក្រុម​ប្រឹក្សា​ប្រធាន​លើកទី៧៨ របស់គណៈកម្មាធិការជាតិសភាប្រឹក្សានយោបាយប្រជាជនចិននីតិកាលទី១៣ ក្រោមអធិបតីភាព លោក Wang Yang ប្រធានគណៈកម្មាធិការ ជាតិសភា​ប្រឹក្សា​នយោបាយប្រជាជនចិន និងជាសមាជិកគណៈកម្មាធិការអចិន្ត្រៃយ៍នៃការិយាល័យនយោបាយមជ្ឈិមបក្សកុម្មុយនិស្តចិន។

​ក្នុងអំឡុងពេលនៃកិច្ចប្រជុំនោះ លោក Wang បានអំពាវនាវឱ្យដាក់ចេញនូវផែនការការងារមួយ សម្រាប់សិក្សាស្រាវជ្រាវ ផ្សព្វផ្សាយ និងការអនុវត្តគោលការណ៍ណែនាំ​របស់​មហាសន្និបាតជាតិនៃបក្សកុម្មុយនិស្តចិនលើកទី២០ ជាមុន ហើយក៏បានទទូចផងដែរ ឱ្យខិតខំប្រឹងប្រែងលើកទឹកចិត្ត និងគាំទ្រសមាជិកសភាប្រឹក្សានយោបាយ​ប្រជាជនចិន ដើម្បីប្រែក្លាយជាគោលការណ៍ណែនាំនៅក្នុងវិស័យផ្សេងៗ។ កិច្ចប្រជុំនេះ នឹងស្តាប់នូវរបាយកាណ៍នានាពីគ្រប់គណៈកម្មាធិការពិសេស​របស់គណៈកម្មាធិការ​ជាតិសភា​ប្រឹក្សានយោបាយប្រជាជនចិនលើបញ្ហាការងាររបស់ខ្លួន ក្នុងចំណោមរបាយការណ៍ជាច្រើនទៀត។

​ការកត់សម្គាល់អំពីវឌ្ឍនភាពរបស់គណៈកម្មាធិការជាតិសភាប្រឹក្សានយោបាយប្រជាជនចិននៅក្នុងការត្រួតពិនិត្យបែបប្រជាធិតេយ្យលើការអនុវត្តផែនការរយៈពេល ៥ ឆ្នាំ របស់គណៈកម្មាធិការជាតិសភាប្រឹក្សានយោបាយប្រជាជនចិននីតិកាលទី១៤។ លោក Wang បានអំពាវនាវឱ្យបន្តបរិបទការងារថ្មីដើម្បីកែលម្អប្រសិទ្ធភាព​នៃការត្រួត​ពិនិត្យនេះ៕

http://ព័ត៌មានសភាអន្តរជាតិ ២៨-០៩-២២- កែវ ធាវប្រែសម្រួលពី៖ http://www.china.org.cn/china/2022-09/27/content_78439461.htm