សមាជិកសភាកូរ៉េខាងត្បូង និងសមាជិកសភាសហភាពអឺរ៉ុបចូលរួមក្នុងកិច្ចប្រជុំអន្តរសភា  ​ក្នុងរដ្ឋសភាកូរ៉េខាងត្បូង នាថ្ងៃទី២១ ខែកញ្ញា ឆ្នាំ២០២២ (Yonhap)

កាលពីថ្ងៃពុធ ទី២១ ខែកញ្ញា ឆ្នាំ២០២២ រដ្ឋសភានៃសាធារណរដ្ឋកូរ៉េ (កូរ៉េខាងត្បូង) បានឱ្យដឹងថា សមាជិករដ្ឋសភាកូរ៉េខាងត្បូង និងសមាជិកសភាសហភាពអឺរ៉ុប បានបើក​កិច្ចប្រជុំមួយដើម្បីពិភាក្សារក ​មធ្យោបាយជំរុញកិច្ចសហប្រតិបត្តិការសភាក្នុងវិស័យជាច្រើន ដូចជា​ វិស័យថាមពល និងការបម្រែបម្រួល អាកាសធាតុ។ ក្នុងចំណោមសមាជិក​សភា​ដែលបានចូលរួមក្នុងកិច្ចប្រជុំ កាលពីថ្ងៃអង្គារ ទី២០ ខែកញ្ញា ឆ្នាំ២០២២ នោះ រួមមាន លោកស្រី Park Soo-young សមាជិការដ្ឋសភាកូរ៉េខាងត្បូងមកពីគណបក្ស កាន់អំណាច គឺគណបក្សអំណាចប្រជាជន, លោក Lee Sang-min សមាជិករដ្ឋសភាកូរ៉េខាងត្បូងមកពី គណបក្សប្រឆាំងដ៏ធំជាងគេក្នុងប្រទេសកូរ៉េខាងត្បូង គឺគណបក្ស​ប្រជាធិប​តេយ្យកូរ៉េ, សមាជិកសភាមកពី សហភាពអឺរ៉ុប, សមាជិកគណៈប្រតិភូសភាសហភាពអឺរ៉ុប ទទួលបន្ទុកកិច្ចការទំនាក់ទំនងជាមួយឧបទ្វីបកូរ៉េ ដែលដឹកនាំដោយលោក Lukas Mandl សមាជិកសភាសហភាពអឺរ៉ុប និងលោកស្រី Maria Castillo Fernandez ឯកអគ្គរដ្ឋទូតសហភាពអឺរ៉ុប ប្រចាំប្រទេសកូរ៉េខាងត្បូង ក៏បានចូលរួមក្នុង​កិច្ចប្រជុំ​នោះផងដែរ៕

https://www.koreatimes.co.kr/www/nation/2022/09/120_336469.html