លោក Vyacheslav Volodin ប្រធានសភាជាន់ទាបរុស្ស៊ី

កាលពីថ្ងៃព្រហស្បតិ៍ ទី២២ ខែកញ្ញា ឆ្នាំ២០២២ លោក Vyacheslav Volodin ប្រធានសភា ជាន់ទាបសហព័ន្ធរុស្ស៊ី បានអំពាវនាវឱ្យសមាជិកសភាមាន​សិទ្ធិចូលធ្វើ​ទាហាន​ដើម្បីចូលរួមធ្វើសង្គ្រាម ក្នុងប្រទេសអ៊ុយក្រែន បន្ទាប់ពី លោក Vladimir Putin ប្រធានាធិបតីរុស្ស៊ីបានចេញក្រឹត្យមួយស្តីពី​ ការធ្វើទំនើបកម្មយោធាក្នុងការ​លៈទេសៈសង្គ្រាម កាលពីថ្ងៃពុធ ទី២១ ខែកញ្ញា ឆ្នាំ២០២២ ដើម្បីជួយដោះស្រាយការងារប្រតិបត្តិការយោធាពិសេសរបស់រុស្ស៊ី។​

លោក Volodin បានថ្លែងក្នុងសារនៅលើបណ្តាញទំនាក់ទំនងសង្គមតេឡេក្រាមនូវអ្វីដែលលោកបានអះអាងថា «មិនមែនត្រឹមតែការបង្កើតកងទ័ពណាហ្ស៊ី ដើម្បីប្រយុទ្ធ​ជាមួយ​ទាហាន និងមន្ត្រីរដ្ឋាភិបាលរុស្ស៊ី ប៉ុណ្ណោះទេ ប៉ុន្តែ ថែមទាំងប្រយុទ្ធផងដែរជាមួយកងកម្លាំងអង្គការសន្ធិសញ្ញាអាត្លង់ទិចខាងជើង។

​ក្នុងទឹកដីប្រទេសអ៊ុយក្រែនមានគ្រូបង្វឹកយោធា, ទាហានស៊ីឈ្នួល គ្រឿងបរិក្ខារ សព្វាវុធ និង​សម្ភារៈសឹករបស់អង្គការសន្ធិសញ្ញាអាត្លង់ទិចខាងជើង (NATO) ជាច្រើនសន្ធឹក​សន្ធាប់ និងមានខ្សែវិទ្យុទាក់ទងជាង ១ ពាន់គីឡូម៉ែត្រ។ លោក Volodin បានគូសបញ្ជាក់ថា វាចាំបាច់ណាស់ត្រូវតែបង្កើនចំនួនកងកម្លាំងយោធា​ដើម្បីដាក់ពង្រាយក្នុង​ប្រទេស​ជិតខាង។

​ក្នុងស្មារតីនេះ លោក Volodin បានបញ្ជាក់ទៀតថា ការធ្វើទំនើបកម្មយោធាក្នុងកាលៈទេសៈ សង្គ្រាមនេះ បានធ្វើឱ្យប៉ះពាល់ដល់អ្នកដែលបានកំពុងបម្រើក្នុងវិស័យយោធា និងអ្នកដែលមាន បទពិសោធន៍ធ្វើសង្គ្រាម។ លោក Volodin បានបញ្ជាក់ទៀតថា សមាជិកសភាដែលជាអ្នកឆ្លើយតបទៅនឹងតម្រូវការនេះ គួរតែជួយតាមរយៈការចូលរួម​របស់​ខ្លួនក្នុង​​ប្រតិបត្តិការយោធាពិសេសរបស់រុស្ស៊ីនេះ។

សមាជិកសភារុស្ស៊ីទាំងអស់គ្មានឧបករណ៍សម្រាប់ការពារគ្រាប់ឡើយ។ លោក​ Volodin បាន​ថ្លែងថា ឥឡូវនេះដល់ពេលយើងជួបបញ្ហាប្រឈម។ យើងរួមគ្នាយកជ័យជំនះ​ឱ្យ​បានក្នុងសង្គ្រាមនេះ។   សុវត្ថិភាពប្រជាពលរដ្ឋ និងអធិបតេយ្យភាពជាតិរបស់យើង នឹងត្រូវបានធានា។ នេះបើតាមការសន្និដ្ឋានរបស់លោក Volodin ៕

http://ព័ត៌មានសភាអន្តរជាតិ ២៣-០៩-២២- កែវ ធាវីប្រែសម្រួលពី៖ https://www.msn.com/en-gb/news/world/duma-speaker-calls-on-eligible-