ទិដ្ឋភាពទូទៅក្នុងសម័យប្រជុំសភាតំណាងសហរដ្ឋអាម៉េរិក

 ​សភាតំណាងសហរដ្ឋអាម៉េរិកបានអនុម័តនូវសេចក្តីសម្រេចមួយ “ទទូចឱ្យសហភាពអឺរ៉ុប កំណត់ទាំងស្រុងថា Hezbollah គឺជាអង្គការភេរវករ”។ ពង្រាងសេចក្តីសម្រេច​ខាងលើស្នើឡើងដោយសមាជិក សភាតំណាងមកពីគណបក្សប្រជាធិបតេយ្យ និងគណបក្សសាធារណរដ្ឋ ដើម្បីដាក់សម្ពាធឱ្យសហភាព អឺរ៉ុបដើរតាមសហរដ្ឋអាម៉េរិក និង​ដាក់​បញ្ចូលក្រុមនយោបាយ Hezbollah​​ ទៅក្នុងបញ្ជីភេរវកររបស់ខ្លួន។

​លោក Ted Deutch សមាជិកសភាតំណាងដែលជាអ្នកតាក់តែងពង្រាងសេចក្តីសម្រេចបានថ្លែង ថា “Hezbollah គឺជាអាណត្តិគាហក(តំណាងទទួលសិទ្ធិ) របស់អ៊ីរ៉ង់”។ ដល់ពេលហើយដែលសហភាពអឺរ៉ុបត្រូវចូលរួមជាមួយសហរដ្ឋអាម៉េរិក អាល្លឺម៉ង់ អាហ្សង់ទីន សម្ព័ន្ធអារ៉ាប់ និងប្រទេសដទៃទៀត ក្នុងការនិយាយថា Hezbollah គឺជា​អង្គការភេរវករបង្រួបបង្រួមមួយ។ លោក Deutch បានថ្លែងថា ការអនុម័តគាំទ្រលើសេចក្តីសម្រេចរបស់សភាតំណាងគឺជា “ការបញ្ជូនសារដ៏សំខាន់មួយ ទៅកាន់សម្ព័ន្ធមិត្ត​អឺរ៉ុបរបស់យើង៖ អាចធ្វើ និងត្រូវតែធ្វើដើម្បីប្រឆាំងនឹងអាណត្តិគាហកអ៊ីរ៉ង់(Hezbollah) ដោយបានហៅក្រុម នេះថាជាអង្គការភេរវករទាំងស្រុង ដែលអង្គការនេះបាន​ប្តេជ្ញា​​ចិត្តក្នុងការកំទេចដៃគូអ៊ីស្រាអែលរបស់យើង  និងបន្តធ្វើឱ្យអន្តរាយដល់តម្លៃ  និងផលប្រយោជន៍ទាំងរបស់សហរដ្ឋអាម៉េរិក  និងរបស់អឺរ៉ុប”។

សមាជិកសភាតំណាងរូបនេះ បានអះអាងជាថ្មីថា វាគ្មានអ្វីខុសគ្នារវាង សាខា Hezbollah ហើយថា ក្រុមយោធាក៏មិនអាចបំបែកចេញពីក្រុមនយោបាយនេះដែរ។ សមាជិក​សភាតំណាងមកពីគណបក្សប្រជាធិបតេយ្យបានអំពាវនាវដល់សហភាពឱ្យបញ្ឈប់ការអនុញ្ញាតឱ្យក្រុមនយោបាយ Hezbollah ធ្វើប្រតិបត្តិការដោយសេរីក្នុងប្រទេសអឺរ៉ុបខ្លះ និងចូលរួមជាមួយសហរដ្ឋអាម៉េរិកក្នុងការកំណត់គោលដៅក្រុមភេរវករ និងបណ្តាញឧក្រិដ្ឋជនសកលរបស់ក្រុមនេះ។

លោកស្រី Kathy Manning សមាជិកសភាសហរដ្ឋអាម៉េរិកបានកោតសរសើរសេចក្តីសម្រេចខាងលើ ដោយបានកត់សម្គាល់ថា Hezbollah គឺជា “អង្គការភេរវករទទួល​ខុសត្រូវ​ចំពោះ​ការស្លាប់​របស់ពលរដ្ឋស៊ីវិលរាប់ពាន់នាក់ មិនគ្រាន់តែនៅមជ្ឈិមបូព៌ាប៉ុណ្ណោះទេ ក៏ប៉ុន្តែគឺនៅទូទាំងពិភពលោក”។ លោកស្រី សមាជិកសភាសហរដ្ឋអាម៉េរិក​រូបនេះ បានទទូចឱ្យសហភាពអឺរ៉ុបដាក់ទណ្ឌកម្មលើក្រុមទាំងអស់របស់គណបក្ស Hezbollah និងចែករំលែកនូវព័ត៌មានសំងាត់ជាមួយសហរដ្ឋអាម៉េរិក ដើម្បីបញ្ចប់ឥទ្ធិពល របស់គណបក្សមួយ​នេះ នៅក្នុងតំបន់៕

http://ព័ត៌មានសភាអន្តរជាតិ ២៣-០៩-២២- ឈាវ សុផាត ប្រែសម្រួលពី៖ https://english.aawsat.com/home/article/3888811/us-house-representatives-urges-eu-designate-hezbollah-its-entirety-terrorist