លោក Naama Mayara ប្រធានសភាប្រឹក្សាយោបល់នៃព្រះរាជាណាចក្រម៉ារ៉ុក

​សភាប្រឹក្សាយោបល់(សភាជាន់ខ្ពស់) នៃព្រះរាជាណាចក្រម៉ារ៉ុក និងព្រឹទ្ធសភានៃសាធារណរដ្ឋ   ប៊ូរុនឌី បានប្តេជ្ញាចិត្តក្នុងការពង្រឹងចំណងទាក់ទងអន្តរសភា កំណត់វិស័យ​ការងារថ្មី និងបង្កើតនូវភាពជាដៃគូមួយប្រកបដោយផ្លែផ្កា។

​នៅក្នុងសេចក្តីថ្លែងការណ៍រួមមួយ ដែលចេញបន្ទាប់ពីជំនួប នៅក្នុងរដ្ឋធានី Bujumbura ប្រទេស ប៊ូរុនឌី រវាងលោក Naama Mayara ប្រធានសភាជាន់ខ្ពស់ម៉ារ៉ុក និងលោក Emmanuel Sinzohagera​ប្រធានព្រឹទ្ធសភាប៊ូរ៉ុនឌី នៅក្នុងឱកាសនៃកិច្ចពិគ្រោះយោបល់លើកទី៩ របស់សមាគមព្រឹទ្ធសភា ក្រុមប្រឹក្សាស៊ូរ៉ា (Shoora) និងក្រុមប្រឹក្សាដែល​មាន​​ឋានៈស្មើ នៅក្នុងទ្វីបអាហ្រ្វិក និងពិភពអារ៉ាប់(ASSE CAA)។​ ភាគីទាំងពីរ បានស្វាគមន៍ជំនួបមួយនេះ ដែលសបញ្ជាក់ពីសារៈសំខាន់នៃចំណងទាក់ទងនយោបាយរវាង​ម៉ារ៉ុក និងប៊ូរុនឌីដែលជាកត់សម្គាល់នូវមិត្តភាព ភាតរភាព ស្មោះស្ម័គ្រ និងឆន្ទៈទៅវិញទៅមក ដើម្បីកសាងកិច្ចសហប្រតិបត្តិការដ៏រឹងមាំ និងពហុវិស័យ។ ជំនួបនេះគឺជាផ្នែកមួយនៃកម្លាំងជំរុញថ្មីមួយ ចំពោះចំណងទាក់ទងទ្វេភាគីរវាងស្ថាប័ននីតិប្បញ្ញត្តិទាំងពីរ និងរវាងប្រទេសជាមិត្តទាំងពីរ។

លោក Mayara បានសង្កត់ធ្ងន់ពីយុទ្ធសាស្រ្តដែលព្រះរាជាណាចក្រម៉ារ៉ុកបានផ្តល់ភាពសំខាន់ក្នុង ការពង្រឹងចំណងទាក់ទងជាមួយបណ្តាប្រទេសក្នុងទ្វីបអាហ្វ្រិក ដោយផ្អែកលើ​កិច្ចសហប្រតិបត្តិការដ៏ស្វាហាប់ និងសំបូរបែបក្នុងក្របខ័ណ្ឌនៃទស្សនវិស័យជាយុទ្ធសាស្រ្តរបស់ព្រះករុណា Mohammed VI  ព្រះមហាក្សត្រម៉ារ៉ុក។ លោក Mayara ក៏បាន​ថ្លែងអំណរគុណផងដែរដល់សមភាគីប៊ូរុនឌីរបស់លោក ដែលប្រទេសរបស់គាត់បានគាំទ្រយ៉ាងខ្ជាប់ខ្ជួន និងដោយឥតងាករេចំពោះបូរណភាពទឹកដីរបស់ម៉ារ៉ុក នៅក្នុងតំបន់ ទ្វីប និងវេទិកាអន្តរជាតិនានា។

ប្រធានសភានៃប្រទេសទាំងពីរបានសង្កត់ធ្ងន់ពីតួនាទីតំបន់ ដែលព្រះរាជាណាចក្រម៉ារ៉ុក និងសាធា   រណរដ្ឋប៊ូរុនឌី បានដើរតួនាទីក្នុងនាមជាដៃគូដ៏ខ្លាំងក្លា ក្នុងការបង្កើតនូវ​សន្តិភាព និងស្ថិរភាព។ លោក Mayara ក៏បានគូសបញ្ជាក់ពីសារៈសំខាន់នៃតួនាទីរបស់ ASSECAA ក្នុងការលើកកម្ពស់កិច្ចសន្ទនា និង ការពិគ្រោះយោបល់សភា រវាងបណ្តា​ប្រទេសក្នុងទ្វីបអាហ្រ្វិក និងអារ៉ាប់ ព្រមទាំង ក្នុងការពង្រឹងកិច្ចសហប្រតិបត្តិការត្បូង-ត្បូង(South-South cooperation)៕

http://ព័ត៌មានសភាអន្តរជាតិ ២២-០៩-២២- ឈាវ សុផាត ប្រែសម្រួលពី៖ https://sahara-news.org/10256-morocco-burundi-to-further-strengthen-inter-parliamentary-relations-joint-declaration.html