លោក Wang Yang (ឆ្វេង) ជួបសន្ទនាជាមួយលិកស្រី Esperanca Bias តាមរយៈប្រព័ន្ធនិម្មិត

​កាលពីថ្ងៃអង្គារ ទី១៣ ខែកញ្ញា ឆ្នាំ២០២២ លោក Wang Yang ប្រធានគណៈកម្មាធិការជាតិនៃ សភាប្រឹក្សានយោបាយប្រជាជននៃសាធារណរដ្ឋប្រជាមានិតចិន (CPPCC) បានជួបសន្ទនាដាច់ដោយឡែកពីគ្នាជាមួយលោកស្រី Esperanca Bias ប្រធានសភានៃសាធារណរដ្ឋម៉ូសំប៊ិក និងលោក Emmanuel Sinzohagera ប្រធានាធិបតីព្រឹទ្ធសភា​នៃសាធារណរដ្ឋប៊ូរុនឌី តាមរយៈប្រព័ន្ធនិម្មិត។

លោក Wang បានមានប្រសាសន៍ក្នុងអំឡុងពេលជួបសន្ទនាជាមួយលោកស្រី Bias ថា ប្រទេសចិន ត្រៀមខ្លួនជាស្រេចដើម្បីធ្វើការជាមួយប្រទេសម៉ូសំប៊ិក ដើម្បីពង្រឹងទំនុក​ចិត្តគ្នាទៅវិញទៅមកខាងផ្នែកនយោបាយ បង្កើនទំនាក់ទំនងជាយុទ្ធសាស្ត្រ និងពង្រីកកិច្ចសហប្រតិបត្តិការជាក់ស្តែង។ លោក Wang បានមានប្រសាសន៍បន្តទៀតថា ប្រទេស​ចិនមានឆន្ទៈក្នុងការធ្វើការជាមួយប្រទេសម៉ូសំប៊ិក ក្នុងការរួមគ្នាកសាងផ្លូវមួយខ្សែក្រវាត់មួយ ពង្រឹងការសម្របសម្រួល និងកិច្ចសហប្រតិបត្តិការលើកិច្ចការអន្តរជាតិ និង តំបន់ ព្រមទាំងការលើកកម្ពស់ការអភិវឌ្ឍប្រកបដោយចីរភាព និងស៊ីជម្រៅនៃភាពជាដៃគូសហប្រតិបត្តិការ យុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ។ លោកស្រី Bias បានមានប្រសាសន៍ថា ទំនាក់ទំនងមិត្ត ភាព និងការជឿទុកចិត្តគ្នាទៅវិញទៅមករវាងប្រទេសម៉ូសំប៊ិក និងចិន គឺមិនអាចបំបែកបាន ហើយម៉ូសំប៊ិក សូមអរគុណប្រទេស​ចិន​សម្រាប់ការគាំទ្រ និងជំនួយឥតឈប់ឈរ ហើយទន្ទឹងរង់ចាំកិច្ចសហប្រតិបត្តិការ ប្រកបដោយផ្លែផ្កាបន្ថែមទៀតរវាងប្រទេសទាំងពីរ។ លោកស្រី Bias បានមានប្រសាសន៍​បន្តទៀតថា សភា ម៉ូសំប៊ិកមានឆន្ទៈក្នុងការពង្រឹងការផ្លាស់ប្តូរជាមួយ CPPCC និងរួមចំណែកដល់ការអភិវឌ្ឍទំនាក់ទំនងរវាង ប្រទេសទាំងពីរ។

ក្នុងអំឡុងពេលជួបសន្ទនាជាមួយលោក Sinzohagera លោក Wang បានមានប្រសាសន៍ថា ភាគី ទាំងពីរគួរតែពង្រឹងទំនុកចិត្តគ្នាទៅវិញទៅមកខាងផ្នែកនយោបាយ គាំទ្រយ៉ាង​មុតមាំ​គ្នាទៅវិញទៅមក និង ជំរុញកិច្ចសហប្រតិបត្តិការប្រកបដោយប្រសិទ្ធភាព ដើម្បីសម្រេចបានលទ្ធផលបន្ថែមទៀតក្រោមការណែនាំ នៃការឯកភាពដ៏សំខាន់ដែលសម្រេច​បានដោយប្រមុខរដ្ឋទាំងពីរ។ លោក Sinzohagera បានមានប្រសាសន៍ ថា ប្រទេសប៊ូរុនឌីយកចិត្តទុកដាក់យ៉ាងខ្លាំងចំពោះការអភិវឌ្ឍទំនាក់ទំនងជាមួយប្រទេសចិន។ ព្រឹទ្ធសភា នៃប្រទេសប៊ូរុនឌីមានឆន្ទៈក្នុងការបង្កើនការផ្លាស់ប្តូរ និងកិច្ចសហប្រតិបត្តិការជាមួយ CPPCC ដើម្បីជំរុញ ទំនាក់ទំនងប៊ូរុនឌី-ចិនទៅកាន់កម្រិតថ្មីមួយ ៕

http://ព័ត៌មានសភាអន្តរជាតិ ១៥-០៩-២២-ផាត់ ត្រដែត ប្រែសម្រួលពី៖ https://english.news.cn/20220914/f705f5559d45409e9a28710f14af58f8/c.html