លោក Mohamed Nasheed ប្រធានសភានៃសាធារណរដ្ឋម៉ាល់ឌីវ

លោក Mohamed Nasheed ប្រធានសភានៃសាធារណរដ្ឋម៉ាល់ឌីវ បានសម្តែងក្តីបារម្ភពាក់ព័ន្ធនឹង អត្រាវត្តមានដ៏ទាបរបស់សមាជិកសភា ក្នុងកិច្ចប្រជុំសភា។ សភាម៉ាល់ឌីវមានសមាជិកសភាតំណាង មណ្ឌលបោះឆ្នោតនានា ចំនួន ៨៧រូប។ ប៉ុន្តែនៅពេលសភាបើកសម័យប្រជុំ កាលពីថ្ងៃអង្គារ ទី១៣ ខែ កញ្ញា​ ឆ្នាំ២០២២ មានសមាជិកសភាតែ ២៤រូបប៉ុណ្ណោះដែលមានវត្តមាននៅក្នុងសាលប្រជុំសភា ក្នុង នោះ មានសមាជិកសភា ៦រូប បានសុំច្បាប់ និង ៣រូបទៀត ចេញទៅបំពេញ​ទស្សកិច្ចផ្លូវការ។

នៅពេលចាប់ផ្តើមសម័យប្រជុំនាថ្ងៃអង្គារនោះ លោក Nasheed បានថ្លែងថា លោកបារម្ភថា មាន សមាជិកសភាតែ ២៤រូបប៉ុណ្ណឹងឯង ដែលមានវត្តមាន នៃសមាជិក​សភាជាប់ឆ្នោតទាំង ៨៧រូប។​ “នៅក្នុង សភាមួយដ៏មានកិត្តិយស ជាមួយនឹងសមាជិកសភា ៨៧រូប និងទទួលបានប្រាក់បៀវត្សរ៍តាមពេលកំណត់ ប៉ុន្តែមានតែ ២៤រូប មានវត្តមាន នៅពេលសភាចាប់ផ្តើមសម័យប្រជុំ។ លោកគិតថា នេះគឺជាការមិនគោរព ដល់កាតព្វកិច្ចផ្លូវច្បាប់របស់យើង”។

កន្លងមកលោក Nasheed ធ្លាប់បានសម្តែងក្តីបារម្ភពាក់ព័ន្ធនឹងវត្តមានដ៏ទាប នៅពេលសភាបើក សម័យប្រជុំ។ សាធារណជនម៉ាល់ឌីវក៏បានរិះគន់សមាជិកសភា នៅលើ​បណ្តាញ​សង្គមចំពោះហេតុផល ដូចគ្នានេះផងដែរ…៕

https://avas.mv/en/122219