លោកប្រធានាធិបតី Vladimir Putin (ស្តាំ) ក្នុងពិធីទទួលស្វាគមន៍លោក Li Zhanshu

​កាលពីថ្ងៃពុធ ទី០៧ ដល់ថ្ងៃសៅរ៍ ទី១០ ខែកញ្ញា ឆ្នាំ២០២២ លោក Li Zhanshu ប្រធានគណៈ កម្មាធិការអចិន្ត្រៃយ៍នៃសភាប្រជាជនសាធារណរដ្ឋប្រជាមានិតចិន(NPC) បានអញ្ជើញទៅបំពេញទស្សន កិច្ចសុច្ឆន្ទៈជាផ្លូវការនៅសហព័ន្ធរុស្ស៊ី តបតាមការអញ្ជើញរបស់លោក Vyacheslav Volodinប្រធានសភា ជាន់ទាប(សភាឌូម៉ា)។

ក្នុងដំណើរទស្សនកិច្ចនេះ លោក Li បានជួបសន្ទនាការងារជាមួយលោកប្រធានាធិបតី Vladimir Putin នៅរដ្ឋធានី Vladivostok ភាគខាងកើតឆ្ងាយពីប្រទេសរុស្ស៊ី, ជួបសន្ទនា​ជាមួយលោក Volodin និង លោកស្រី Valentina Matviyenko ប្រធានក្រុមប្រឹក្សាសហព័ន្ធរុស្ស៊ី(សភាជាន់ខ្ពស់) រៀងគ្នានៅក្នុងរដ្ឋធានីមូស្គូ ហើយក៏បានជួបសន្ទនាជាមួយ​មេដឹកនាំ​នៃរដ្ឋឌូម៉ា ចំនួន៥ផ្សេងទៀតផងដែរ។ ក្នុងអំឡុងពេល ជួបសន្ទនាជាមួយប្រធានាធិបតីរុស្ស៊ី លោក Li បានពាំនាំនូវការសួរសុខទុក្ខយ៉ាងស្និទ្ធស្នាល និងជូនពរពី​ប្រធានាធិបតីចិន Xi Jinping ទៅកាន់លោក Putin។ លោក Li បានមានប្រសាសន៍ថា ក្រោមការណែនាំ ជាយុទ្ធសាស្ត្រ និងការខិតខំប្រឹងប្រែងផ្ទាល់ខ្លួនរបស់លោកប្រធានាធិបតី Xi និងលោកប្រធានាធិបតី Putin ភាពជាដៃគូយុទ្ធសាស្ត្រគ្រប់ជ្រុងជ្រោយនៃការសម្របសម្រួលរវាងចិន និងរុស្ស៊ីបានរក្សានូវសន្ទុះនៃការអភិវឌ្ឍយ៉ាងរឹងមាំ។ ក្នុងអំឡុងពេលជួបសន្ទនាជាមួយលោក Volodin និងលោកស្រី Matviyenko លោក Li បានមានប្រសាសន៍ថា ភារកិច្ចសំខាន់នៃកិច្ចសហប្រតិបត្តិការរវាងស្ថាប័ន​នីតិប្បញ្ញត្តិនៃ​ប្រទេសចិន និង រុស្ស៊ី គឺដើម្បីជំរុញការអនុវត្តការឯកភាពដ៏សំខាន់ដែលសម្រេចបានដោយប្រមុខរដ្ឋទាំងពីរ និងផ្តល់ការការ ពារផ្នែកច្បាប់សម្រាប់ការ​អភិវឌ្ឍប្រកបដោយសុខភាពល្អ និងស្ថិរភាពនៃទំនាក់ទំនងទ្វេភាគី។

ទាំងលោក Volodin និងលោកស្រី Matviyenko ជាថ្មីម្តងទៀតបានថ្កោលទោសចំពោះដំណើរទស្សន កិច្ចរបស់លោកស្រី Nancy Pelosi ប្រធានសភាតំណាងអាមេរិក ទៅកាន់តំបន់កោះតៃវ៉ាន់របស់ប្រទេសចិន ដោយបានមានប្រសាសន៍ថា រុស្ស៊ីប្រកាន់យ៉ាងខ្ជាប់ខ្ជួននូវគោលនយោបាយចិនតែមួយ ហើយមាន ឆន្ទៈក្នុងការពង្រឹងកិច្ច​សហប្រតិបត្តិការជាមួយចិន ដោយឈរលើមូលដ្ឋាននៃការគោរពគ្នាទៅវិញទៅមក សមភាព និងអត្ថប្រយោជន៍​ទៅវិញទៅមក។ ក្នុងអំឡុងពេលស្នាក់នៅរដ្ឋធានីមូស្គូ លោក Li បានអញ្ជើញ ទៅដាក់កម្រងផ្កានៅផ្នូររបស់ទាហានមិនស្គាល់អត្តសញ្ញាណ ហើយបានអញ្ជើញទៅទស្សនាអតីតលំនៅឋានរបស់លោក Vladimir Lenin ៕

http://ព័ត៌មានសភាអន្តរជាតិ ១២-០៩-២២-ផាត់ ត្រដែត ប្រែសម្រួលពី៖ https://english.news.cn/20220910/48d568cea32e493ab163c2eec3347620/c.html