ប្រធានសភាប្រឹក្សានយោបាយប្រជាជនចិនទទូចឱ្យកែលម្អវេទិកាពិគ្រោះយោបល់ជាមួយក្រុមអ្នកជំនាញ

​រដ្ឋធានីប៉េកាំង៖ កាលពីថ្ងៃអង្គារ​ ទី០៦ ខែកញ្ញា ឆ្នាំ២០២២ លោក Wang Yang ប្រធានសភាប្រឹក្សានយោបាយប្រជាជនចិន​ និងជាសមាជិកគណៈកម្មាធិការ​អចិន្ត្រៃយ៍​នៃការិយាល័យនយោបាយមជ្ឈិមបក្សកុម្មុយនិស្តចិន បានអំពាវនាវឱ្យមានកិច្ចខិតខំប្រឹងប្រែងកែលម្អវេទិកាពិគ្រោះយោបល់សម្រាប់ ក្រុមអ្នកជំនាញ ដើម្បីលើកកម្ពស់​គុណភាព និងប្រសិទ្ធភាពនៃការពិគ្រោះយោបល់ពីស្ថាប័នពិគ្រោះយោបល់ជំនាញ។ ការកត់សម្គាល់របស់លោក Wang បែបនេះ បានធ្វើឡើងខណៈពេលលោកធ្វើជា​អធិបតីក្នុងអង្គប្រជុំក្រុមប្រឹក្សាប្រធាន នៃគណៈកម្មាធិការជាតិសភាប្រឹក្សានយោបាយប្រជាជនចិន កាលពីថ្ងៃអង្គារ ទី០៦ ខែកញ្ញា ឆ្នាំ២០២២។

​កិច្ចប្រជុំនេះ​ បានពិនិត្យ​​ និងអនុម័តលើវិធានការងារមួយចំនួនសម្រាប់វេទិកាពិគ្រោះយោបល់របស់គណៈកម្មាធិការជាតិសភាប្រឹក្សានយោបាយប្រជាជនចិនសម្រាប់ក្រុម​អ្នកជំនាញ។​ លោក​ Wang​​ បានកត់សម្គាល់ថា ចាប់តាំងពីឆ្នាំ២០២១ មក វេទិកាពិគ្រោះយោបល់នេះ បានប្រារព្ធធ្វើចំនួន ៥​៥ លើករួចមកហើយដែលបានផ្តល់គ្រឹះ​យ៉ាងរឹងមាំសម្រាប់កំណត់ និងធ្វើឱ្យទៅជាទម្លាប់សម្រាប់សមាជិកសភាទាំងអស់។

​វិធានការងារទាំងនេះ គួរតែអនុវត្តន៍ឱ្យបានពេញលេញ ដើម្បីឱ្យវេទិកានេះអាចដើរតួនាទីកាន់តែធំឡើងក្នុងដំណើរការពិគ្រោះយោបល់ នេះបើតាមការលើកឡើងរបស់លោក Wang។ កិច្ចប្រជុំនេះក៏បាន ពិនិត្យ និងអនុម័តផងដែរ លើបញ្ជីសំណើសំខាន់ៗរបស់គណៈកម្មាធិការជាតិសភាប្រឹក្សានយោបាយ ប្រជាជនចិននីតិកាលទី១៣ និងបញ្ជីរបៀប​វារៈសំខាន់ៗដែលត្រូវលើកយកមកដោះស្រាយ។

​លោក Wang បានថ្លែងថា គុណភាពនៃការដោះស្រាយសំណើមួយ និងសំណើច្រើនរបស់គណៈកម្មាធិការជាតិសភាប្រឹក្សានយោបាយប្រជាជចិននីតិកាលទី១៣ ត្រូវកែលម្អ​ជាប្រចាំ។ លោក Wang បានអំពាវនាវឱ្យមានកិច្ចខិតខំប្រឹងប្រែងបន្តទៀត ដើម្បីផ្សព្វផ្សាយអំពីបទពិសោធន៍ និងការអនុវត្តការងារពាក់ព័ន្ធសំខាន់ៗ​នានា៕

http://ព័ត៌មានសភាអន្តរជាតិ ០៨-០៩-២២- កែវ ធាវីប្រែសម្រួលពី៖ http://english.news.cn/20220906/c73388ca929e49d59692ed719736f761/c.html