រូបភាពឯកសារ

​ក្រុមសកម្មជនដែលគាំទ្រលទ្ធិប្រជាធិបតេយ្យមកពីក្រុម Thalufah នៅក្នុងព្រះរាជាណាចក្រថៃ បានធ្វើបាតុកមុ្មនៅខាងក្រៅអាគាររដ្ឋសភាថៃ ក្នុងរដ្ឋធានីបាងកក កាលពីវេលា​ម៉ោង ១០:00 ថ្ងៃទី០៦ ខែកញ្ញា ឆ្នាំ២០២២។ គោលបំណងនៃការធ្វើបាតុកម្មនេះ គឺដើម្បីប្រឆាំងនឹងការអនុវត្តផ្ទុយពីគោលការណ៍លទ្ធិប្រជាធិបតេយ្យដែលត្រូវបានក្រុមបាតុករ​ទាំងនោះ​អះអាង​ រួមមាន​ ប្រព័ន្ធនយោបាយបច្ចុប្បន្នដែលអនុញ្ញាតឱ្យសមាជិកព្រឹទ្ធសភាតែងតាំងដោយយោធាមានសិទ្ធិបោះឆ្នោតជ្រើសតាំងនាយករដ្ឋមន្ត្រី។

កាលពីថ្ងៃទី០៦ ខែកញ្ញា ឆ្នាំ២០២២ អាជ្ញាធរថៃ ទំនងជានឹងបង្កើនការរឹតបន្តឹងវិធានការសន្តិសុខ​ រួមទាំងការដាក់ពង្រាយកងកម្លាំងសន្តិសុខជាច្រើននាក់បន្ថែមទៀតនៅសភា និងជុំវិញបរិវេណសភា។ ការរំខានដល់អាជីវកម្ម និងការធ្វើដំណើរនៅក្នុងតំបន់នោះអាចនឹងកើតឡើងនៅជិតកន្លែងធ្វើបាតុកម្មនោះ ជាពិសេស ប្រសិនបើក្រុមសកម្មជន​ទាំងនោះ​កាន់កាប់ផ្លូវនានានៅជិតតំបន់នោះ។

ការប៉ះទង្គិចគ្នារវាងក្រុមបាតុករ និងកងកម្លាំងសន្តិសុខ អាចនឹងកើតមានឡើង។ កងនគរបាលអាចនឹងបំបែកក្រុមហ្វូងបាតុករទាំងនោះ ប្រសិនបើពួកគេប៉ុនប៉ងគេចពីរ​បាំង​ការពារសន្តិសុខ។ ការចាប់ខ្លួនក្រុមបាតុករអាចនឹងកើតឡើង ប្រសិនបើកងកម្លាំងសន្តិសុខចាត់ទុកថា ជាសកម្មភាពរំលោភលើវិធានស្តីពី ការរឹតបន្តឹងជំងឺកូវីដ -១៩, ការរំលោភ​លើ​ច្បាប់ស្តីពី ការជេរប្រមាថព្រះជេស្តា ដែលបានហាមឃាត់មិនឱ្យជេរប្រមាថដែលត្រូវបានអះអាងថា រំលោភលើរាជានិយម ឬការប្រមូលផ្តុំគ្នាជាសាធារណៈដែលច្បាប់​មិនបានអនុញ្ញាត៕

http://ព័ត៌មានសភាអន្តរជាតិ ០៧-០៩-២២- កែវ ធាវីប្រែសម្រួលពី៖ https://crisis24.garda.com/alerts/2022/09/thailand-activists-plan-to-protest-at-national-assembly-in-bangkok-from-