រោងចក្រថាមពលនុយក្លេអ៊ែរនៅក្រុង Zaporizhzhia ក្នុងប្រទេសអ៊ុយក្រែន

 នៅថ្ងៃព្រហស្បតិ៍ ទី២៥ ខែសីហា ឆ្នាំ២០២២ នេះ ក្រុមប្រឹក្សាសភាជាន់ទាបនៃសហព័ន្ធរុស្ស៊ី (State Duma Council) នឹងបើកកិច្ចប្រជុំ ពិសេសមួយ ពាក់ព័ន្ធនឹងស្ថានការណ៍នៅរោងចក្រថាមពលនុយក្លេអ៊ែរ Zaporizhzhia ក្នុងប្រទេសអ៊ុយក្រែន។ នៅក្នុងកិច្ចប្រជុំពិសេសនេះ សមាជិកសភាទាំងមូល នឹងពិភាក្សារកមធ្យោបាយបញ្ឈប់ ការប៉ុនប៉ងរបស់ប្រទេសអ៊ុយក្រែន ដើម្បីគ្រប់គ្រងរោងចក្រនេះ និងដើម្បីទប់ ស្កាត់គ្រោះមហន្តរាយ នុយក្លេអ៊ែរ។ កាលពីដើមខែសីហា ឆ្នាំ២០២២ នេះ រដ្ឋាភិបាលទីក្រុងមូស្គូបានដាក់ការទទួលខុសត្រូវលើរដ្ឋាភិបាល ទីក្រុងកៀវចំពោះការបាញ់កាំភ្លើងធនធ្ងន់នៅជិតរោងចក្រថាមពលនុយក្លេអ៊ែរ Zaporizhzhia ដែលជារោងចក្រធំជាងគេនៅ តំបន់អឺរ៉ុប។ ការចោទប្រកាន់នេះ ត្រូវបានច្រានចោលដោយរដ្ឋាភិបាលទី ក្រុងកៀវ។ ទោះបីជាបុគ្គលិកអ៊ុយក្រែននៅបន្តទទួលខុសត្រូវលើប្រតិបត្តិការ របស់រោងចក្រនេះ ក៏ដោយ ក៏រោងចក្រនេះនៅតែស្ថិតក្រោមការគ្រប់គ្រងរបស់រុស្ស៊ីដដែល ជាមួយនឹងវត្តមានយោធារុស្ស៊ីជាច្រើន នាក់ទៀត ចាប់តាំងពីខែមីនា ឆ្នាំ២០២២ មក។ បន្ទាប់ពីការចោទប្រកាន់នេះ រដ្ឋាភិបាលទីក្រុងមូស្គូបាន បញ្ជូនគ្រឿងយោធូបករណ៍យោធាបន្ថែមទៀត ទៅកាន់តំបន់នោះ៕

https://www.foreignbrief.com/daily-news/russian-state-duma-discusses-threat-to-zaporizhzhia-plant/