លោក Vuong Dinh Hue ប្រធានរដ្ឋសភាវៀតណាម ថ្លែងមតិយោបល់ក្នុងពិធីបិទបញ្ចប់កិច្ចប្រជុំ

កាលពីថ្ងៃព្រហស្បតិ៍ ទី១៨ ខែសីហា ឆ្នាំ២០២២ គណៈកម្មាធិការអចិន្ត្រៃយ៍រដ្ឋសភានៃសាធារណរដ្ឋ សង្គមនិយមវៀតណាមបានបិទបញ្ចប់កិច្ចប្រជុំស្តីពីការបង្កើតច្បាប់ របស់ខ្លួនក្រោមអធិបតីភាពលោក Vuong Dinh Hue ប្រធានរដ្ឋសភាវៀតណាម។ ថ្លែងមតិនៅក្នុងកិច្ចប្រជុំ លោក Hue បានសង្កត់ធ្ងន់ថា ក្នុងរយៈពេល៤ថ្ងៃនេះ គណៈកម្មាធិការអចិន្ត្រៃយ៍បានបញ្ចប់របៀបវារៈនៃកិច្ចប្រជុំ ដោយធ្វើការផ្តល់យោបល់លើសេចក្តីព្រាងច្បាប់ចំនួន៨ និងគម្រោងសេចក្តីសម្រេចមួយ ដែលមានបទប្បញ្ញត្តិច្បាប់។ សេចក្តីព្រាងច្បាប់ទាំងនេះរួមមាន សេចក្តីព្រាងច្បាប់ ចំនួន៥ ដែលនឹងត្រូវដាក់ជូនរដ្ឋសភាវៀតណាមដើម្បីអនុម័តក្នុងសម័យប្រជុំលើកទី៤ ដែលនឹងគ្រោងធ្វើនៅខែ តុលា។ ច្បាប់​ទាំង​នោះ​មាន ​ច្បាប់​ស្តី​ពី​ប្រេង​ឥន្ធនៈ (ធ្វើ​វិសោធនកម្ម), ច្បាប់​ស្តី​ពី​ការ​បង្ការ និង​ត្រួត​ពិនិត្យ​អំពើ​ហិង្សា​ក្នុង​គ្រួសារ(ធ្វើ​វិសោធនកម្ម), ច្បាប់​អធិការកិច្ច (ធ្វើ​វិសោធនកម្ម), ច្បាប់​ស្តីពីការអនុវត្ត​លទ្ធិប្រជាធិបតេយ្យ​នៅ​ថ្នាក់​មូលដ្ឋាន និង​ច្បាប់ស្តីពី​វិសោធនកម្ម និង​បន្ថែម​មាត្រា​មួយចំនួននៃ​ច្បាប់ស្តីពីប្រេកង់វិទ្យុ…..៕

https://en.vietnamplus.vn/na-standing-committee-wraps-up-lawmaking-session/235863.vnp