តម្លៃប្រេងនៅសាធារណរដ្ឋកូរ៉េ (កូរ៉េខាងត្បូង)

កាលពីថ្ងៃអង្គារ ទី០២ ខែសីហា ឆ្នាំ២០២២ រដ្ឋសភានៃសាធារណរដ្ឋកូរ៉េ (កូរ៉េខាងត្បូង) បានពិនិត្យ និងអនុម័តលើកចុងក្រោយលើសេចក្តីព្រាងច្បាប់ស្តីពី ការអនុញ្ញាតឱ្យរដ្ឋាភិបាលបញ្ចុះអត្រាពន្ធប្រេងឥន្ធនៈរហូតដល់ ៥៥%  (ចុះពីពន្ធដែលបានកំណត់នៅពេលបច្ចុប្បន្ន ៣៧%) រហូតដល់ចុងឆ្នាំ២០២៤។  ក្នុងចំណោមសមាជិករដ្ឋសភា ២៤៨ រូប, ១៩៧ រូប បានបោះឆ្នោតគាំទ្រលើសំណើសេចក្តីព្រាងច្បាប់នេះ, ១៦ រូប ប្រឆាំង និង ៣៥ រូប អនុបវាទ។

ការបញ្ចុះអត្រាពន្ធប្រេងឥន្ធនៈនេះ ត្រូវបានស្នើឡើងដោយលោក Yoon Suk-yeol ប្រធានាធិបតីកូរ៉េខាងត្បូង ដើម្បីជួយសម្រាលបន្ទុក​នៃការឡើងថ្លៃ​ទំនិញប្រើប្រាស់។ ជាមួយនឹងសំណើសេចក្តីសេចក្តីព្រាងច្បាប់ នេះ  រដ្ឋាភិបាលនឹងអាចកាត់បន្ថយពន្ធថ្លៃទំនិញផ្សេងៗ ដោយបន្ថែម ១៤៨​ វ៉ុន ទៅក្នុងប្រេងសាំង ១ លីត្រ។

ចាប់តាំងពីឆ្នាំ២០២១ មក​ រដ្ឋាភិបាល បានកាត់ពន្ធប្រេងសាំង និងប្រេងម៉ាស៊ូតជាច្រើន ខណៈដែល ថ្លៃប្រេងឥន្ធនៈអន្តរជាតិបានហក់ឡើងខ្ពស់។ រដ្ឋាភិបាលបានកាត់ពន្ធប្រេង ២០% នៅចន្លោះខែវិច្ឆិកា ឆ្នាំ២០២១ និងខែមេសា​ ឆ្នាំ២០២២។ ការបញ្ចុះអត្រាពន្ធប្រេងឥន្ធនៈ រហូត​ដល់ ៣០% នៅចន្លោះ ខែឧសភា​​ និងខែកក្កដា ឆ្នាំ២០២២។

ការបញ្ចុះអត្រាពន្ធប្រេងឥន្ធនៈ រហូតដល់កម្រិតអតិបរមាស្របច្បាប់ ៣៧% ខណៈដែលថ្លែប្រេងឥន្ធនៈអន្តរជាតិបាននៅរក្សាថ្លៃជាង ១០០ ដុល្លារសហរដ្ឋអាមេរិកក្នុងមួយបារ៉ែល ចំពេលសង្គ្រាមក្នុងប្រទេសអ៊ុយក្រែន។ បន្ទាប់ពីអ្វីៗបានប្រែប្រួល ពន្ធប្រេងសាំ​ងក្នុង ១ លីត្រ បានធ្លាក់ចុះពី ៨២០ វ៉ុន​ ដល់ ៥១៦ វ៉ុន និងសម្រាប់ប្រេងម៉ាស៊ូត ៥៨១​ វ៉ុន។ សម្រាប់ឧស្ម័ន LPG និង butane​ ពន្ធនេះ ត្រូវបានធ្លាក់ថ្លៃពី ២០៣ វ៉ុន ដល់ ១៣០ វ៉ុន។

ដោយសារតែការបញ្ចុះអត្រាពន្ធប្រេងឥន្ធនៈនេះ  ក្នុងរយៈពេល ៥ ខែ ដំបូងនៃឆ្នាំ២០២២ នេះ រដ្ឋាភិបាលប្រមូលពន្ធបាន ២.៦ លានលានវ៉ុន​ ស្មើនឹង (២ ពាន់លានដុល្លារសហរដ្ឋអាមេរិក) តិចជាងពន្ធដែលកំពុងចរាចរបើប្រៀបធៀបទៅនឹងឆ្នាំ២០២១  កន្លងទៅ  ដែលនេះ ជាការធ្លាក់ចុះពន្ធ ៣៤% ពីមួយឆ្នាំទៅមួយឆ្នាំ៕

http://ព័ត៌មានសភាអន្តរជាតិ ០៣-០៨-២២- កែវ ធាវីប្រែសម្រួលពី៖ https://koreajoongangdaily.joins.com/2022/08/02/business/economy/fuel-tax-cut-inflation-bill-reform/20220802181102298.html