លោកបណ្ឌិត Abdullah bin Mohammed bin Ibrahim Al Al-Sheikh ប្រធានក្រុមប្រឹក្សាស៊ូរ៉ា (សភានៃព្រះរាជាណាចក្រអារ៉ាប៊ីសាអូឌីត) បានចួបពិភាក្សាការងារជាផ្លូវការជាមួយលោក Al-Naam Mayara ប្រធានសភាជាន់ខ្ពស់នៃព្រះរាជាណាចក្រម៉ារ៉ុក នៅក្នុងរាជធានី Rabat នៃប្រទេសម៉ារ៉ុក។ ក្នុង អំឡុងពេលនៃជំនួប ភាគីទាំងពីរបានពិភាក្សាពីចំណងទាក់ទងទ្វេភាគីរវាងព្រះរាជាណាចក្រទាំងពីរដោយ បានសង្កត់ធ្ងន់ផងដែរពីសារៈសំខាន់នៃការពង្រឹងការងាររួមទ្វេភាគ និងកិច្ចសហប្រតិបត្តិការរវាងប្រទេស ទាំងពីរនៅក្នុងវិស័យនានា ជាពិសេស វិស័យសភារវាងក្រុមប្រឹក្សាស៊ូរ៉ាអារ៉ាប៊ីសាអូឌីត និងសភាជាន់ខ្ពស់ ម៉ារ៉ុក និងភាពចាំបាច់ក្នុងការធ្វើឱ្យដំណើរការតួនាទីនៃគណៈកម្មាធិការរួមមិត្តសភា។
