កាលពីថ្ងៃពុធ ទី២៧ ខែកក្កដា ឆ្នាំ២០២២ សមាជិកព្រឹទ្ធសភាឥណ្ឌាគណបក្សប្រឆាំងចំនួន២០រូប ដែលត្រូវបានព្រឹទ្ធសភាព្យួរការងារពីបទរំខានដល់ការងារសភារហូតដល់ចុងសប្តាហ៍នេះ បានចាប់ផ្តើមធ្វើបាតុកម្មរយៈ ពេល៥០ម៉ោង នៅក្បែរូបសំណាកGandhi នៅក្នុងបរិវេណសភា រហូតដល់ម៉ោង៥៖០០ល្ងាច ថ្ងៃសុក្រ ទី២៩ ខែកក្កដា ឆ្នាំ២០២២។ បច្ចុប្បន្ននេះ មានសមាជិកព្រឹទ្ធសភាគណប្រឆាំងចំនួន២០រូប និងសមាជិករដ្ឋសភាគណបក្ស ប្រឆាំងចំនួន៤ ត្រូវបានសភាព្យួរការងារជាបណ្តោះអាសន្ន ដោយសារការប្រព្រឹត្តិមិនសមរម្យ នៅក្នុងសភា។

លោក Mallikarjun Kharge  ប្រធានក្រុមសមាជិកព្រឹទ្ធសភាគណបក្សប្រឆាំង បានថ្លែង កាលពីថ្ងៃពុធ ទី២៧ ខែកក្កដា ថា លោកនឹងដាក់លិខិតស្នើទៅប្រធានព្រឹទ្ធសភា ដើម្បីលុបចោលវិញការព្យួរការងាររបស់សមាជិកព្រឹទ្ធសភាទាំង២០រូប របស់ខ្លួន…៕

https://www.siasat.com/suspended-rajya-sabha-mps-begin-50-hour-protest-in-parliament-complex-2378600/