លោក You Si-kun ប្រធានសភាកោះស្វ័យភាពតៃវ៉ាន់ គ្រោងធ្វើទស្សនកិច្ចនៅសាធារណរដ្ឋលីទុយអានីនៅសប្តាហ៍នេះ

គណៈប្រតិភូសភាកោះស្វ័យភាពតៃវ៉ាន់វ៉ាន់ ដែលដឹកនាំដោយលោក You Si-kun ប្រធានសភាតៃវ៉ាន់ គ្រោងធ្វើទស្សនកិច្ចនៅសាធារណរដ្ឋលីទុយអានីក្នុងសប្តាហ៍នេះ។ លោក Frederick Chang-Yu Ke មន្ត្រីការិយាល័យតំណាងកោះតៃវ៉ាន់ប្រចាំសាធារណរដ្ឋលីទុយអានីបានថ្លែងប្រាប់សារព័ត៌មាន BNS ថា គណៈប្រតិភូសភាតៃវ៉ាន់នេះ (Legislative Yuan of Taiwan) នឹងធ្វើទស្សនកិច្ចនៅប្រទេសលីទុយអានី រយៈពេល ៣ ថ្ងៃ ពីថ្ងៃព្រហស្បតិ៍ ដល់ថ្ងៃសៅរ៍ ទី២៣ ខែកក្កដា ឆ្នាំ២០២២ ក្នុងសប្តាហ៍នេះ។ ថ្នាក់ដឹកនាំសភាលីទុយអានី បានបើកភ្លើងខៀវសម្រាប់ការទទួល បដិសណ្ឋារកិច្ចគណៈប្រតិភូសភាតៃវ៉ាន់នេះ។

លោកស្រី Ilona Petrove​ អ្នកនាំពាក្យលោកស្រី Viktorija Cmilyte-Nielsen ប្រធានសភា លីទុយអានី បានថ្លែងប្រាប់សារព័ត៌មាន BNS ថា ថ្នាក់ដឹកនាំសភាតៃវ៉ាន់ និងសភាលីទុយអានី គ្រោងជួបពិភាក្សាការងារនៅអាហារពេលល្ងាចមួយនៅថ្ងៃព្រហស្បតិ៍​ ទី២១ ខែកក្កដា​ ឆ្នាំ២០២២ នេះ។​  គណៈប្រតិភូសភាតៃវ៉ាន់​ ក៏គ្រោងជួបពិភាក្សាការងារផងដែរ ជាមួយអនុប្រធានសភាលីទុយអានី​ទាំង ២ រូប គឺ​លោកស្រី Radvile Morkunaite-Mikuleniene និងលោក Paulius Saudargas និងសមាជិកគណៈកម្មាធិការការបរទេស និងកិច្ចការអឺរ៉ុបជាច្រើនរូបទៀត។

លោក Gitanas Nauseda ប្រធានាធិបតី និងលោកស្រី Ingrida Simonyte នាយករដ្ឋមន្ត្រី លី​ទុយអានី មិនបានគ្រោងជួបពិភាក្សាការងារជាមួយប្រធានសភាតៃវ៉ាន់ឡើយ នេះបើតាមអ្នកនាំពាក្យសភាលីទុយអានីបានថ្លែងប្រាប់សារព័ត៌មាន BNS។ អ្នកជំនាញនានា បាននិយាយថា កម្មវិធីទស្សនកិច្ច និងវោហាសាស្ត្ររបស់រដ្ឋាភិបាលកោះតៃវ៉ាន់នេះ បានបង្ហាញថា រដ្ឋាភិបាលទីក្រុងវីលនីញូស និងរដ្ឋាភិបាលទីក្រុងតៃប៉ិកំពុងតែបញ្ចៀសការទំនាក់ទំនងជាផ្លូវការ ​ដើម្បីកុំឱ្យសាធារណរដ្ឋប្រជា​មានិតចិនខឹងសម្បា៕

http://ព័ត៌មានសភាអន្តរជាតិ ២១-០៧-២២- កែវ ធាវីប្រែសម្រួលពី៖ https://www.delfi.lt/en/politics/taiwans-parliamentary-speaker-to-visit-