លោក Wang Yang ប្រធានសភាបឹក្សានយោបាយ ប្រជាជនចិន

 កាលពីថ្ងៃពុធ ទី១៣ ខែកក្កដា ឆ្នាំ២០២២ លោក Wang Yang ប្រធានសភាបឹ្រក្សានយោបាយ ប្រជាជនចិន និងជាសមាជិគណៈកម្មាធិការអចិន្ត្រៃយ៍នៃការិយាល័យនយោបាយមជ្ឈិមបក្សកម្មុយនិស្តចិនបានថ្លែងថា ជនរួមជាតិតៃវ៉ាន់ (សាធារណរដ្ឋចិន) គួរតែចាប់យកឱកាសល្អពីទំនោរនៃការអភិវឌ្ឍគ្រប់ជ្រុងជ្រោយនៃទំនាក់ទំនងរវាងសាធារណរដ្ឋប្រជាមានិតចិន(ចិនដីគោក) និងកោះតៃវ៉ាន់ (cross-strait relations) ដោយផ្អែកលើកត្តាប្រវត្តិសាស្ត្រ និងប្រឆាំងយ៉ាងដាច់ខាតរាល់សកម្មផ្តាច់ខ្លួនទាំងឡាយនៃឯករាជ្យភាពរបស់តៃវ៉ាន់។

ការកត់សម្គាលរបស់លោក Wang នេះ បានធ្វើឡើងនៅក្នុងវេទិកាស្តីពី ច្រកសមុទ្រលើកទី១៤  ដែលបានប្រព្រឹត្តទៅកាលពីថ្ងៃទី១២ ខែកក្កដា ឆ្នាំ២០២២ នៅក្រុងឆ្នេរសមុទ្រ Xiamen ខេត្ត Fujian ភាគខាងជើងប្រទេសចិន។

ការកត់សម្គាល់លើប្រជាពលរដ្ឋនៃភាគីតំបន់ច្រកសមុទ្រទាំងពីរដែលជាសមាជិកគ្រួសារមាន ឈាមជ័រតែមួយនេះ លោក Wang បានសង្កត់ធ្ងន់ថា ចាប់តាំងពីមហាសន្និបាតជាតិរបស់បក្សកុម្មុយនិស្ត​ចិនលើកទី១៨ មក បក្សបានអនុវត្តន៍គោលនយោបាយរួមរបស់ខ្លួនដើម្បី​ដោះស្រាយបញ្ហាកោះតៃវ៉ាន់ក្នុងយុគ្គសម័យថ្មី និងបានភ្ជាប់គោលនយោបាយចិនតែមួយ​​ និងការស្រុះស្រួលមតិគ្នា (Consensus) ឆ្នាំ១៩៩២ បានជំរុញការអភិវឌ្ឍសន្តិភាពនៃទំនាក់ទំនងរវាងចិន និងកោះតៃវ៉ាន់។

លោក Wang បានលើកឡើងទៀតថា បក្សបានកំពុងបន្តកិច្ចខិតខំប្រឹងប្រែងដើម្បីកែលម្អរប្រព័ន្ធ​ និងគោលនយោបាយគាំពារសុខុមាលភាពរបស់ជនរួមជាតិតៃវ៉ាន់ ហើយបានធានាថា ជនរួមជាតិតៃវ៉ាន់គ្រប់រូបនៅលើដែនដីគោករបស់ចិនទទួលបានការព្យាបាលជំងឺដូចគ្នាជាមួយនឹងអ្នកស្រុកផងដែរ ជាពិសេស យុវជនតៃវ៉ាន់ដែលមានបំណងចង់មកសិក្សា ធ្វើការងារ ប្រកបអាជីវកម្ម និងសិទ្ធិរស់នៅស្របច្បាប់លើដែនដីគោករបស់ចិន។

http://ព័ត៌មានសភាអន្តរជាតិ ១៥-០៧-២២- កែវ ធាវីប្រែសម្រួលពី៖ https://news.cgtn.com/news/2022-07-13/Taiwan-compatriots-urged-to-stand-on-the-right-side-of-history-