ក្រុមបាតុករសម្រុកចូលការិយាល័យរបស់លោកប្រធានាធិបតី

កាលពីថ្ងៃពុធ ទី១៣ ខែកក្កដា ឆ្នាំ២០២២ លោក Mahinda Yapa Abeywardena ប្រធានសភាសាធារណ រដ្ឋសេរី អធិបតេយ្យ និងឯករាជ្យនៃប្រទេសស្រីលង្កា បានមានប្រសាសន៍ថា លោកប្រធានាធិបតី Gotabaya Rajapaksa បានជូនដំណឹងដល់លោកថា លោក Rajapaksa នឹងប្រគល់លិខិតលាលែងពីតំណែងរបស់លោកនៅ ថ្ងៃក្រោយដូចដែលបានប្រកាសកាលពីមុននេះ។ លោក Abeywardena ក៏​បាន​បញ្ជាក់​ដែរ​ថា ប្រធានាធិបតី​ថ្មី​នឹង​ត្រូវ​ជ្រើសតាំង​នៅ​ថ្ងៃ​ទី២០ ខែ​កក្កដា ក្នុង​សភា។ កាលពីថ្ងៃពុធ ទី១៣ ខែកក្កដា លោក Rajapaksa បានតែងតាំង លោកនាយករដ្ឋមន្ត្រី Ranil Wickremesinghe ឱ្យបំពេញមុខងារ និងកាតព្វកិច្ចជាប្រធានាធិបតីស្តីទី ខណៈដែល រូបលោកនៅឆ្ងាយពីប្រទេស។ នៅព្រឹកថ្ងៃដដែលខុទ្ទកាល័យរបស់លោកនាយករដ្ឋមន្ត្រីបានបញ្ជាក់ថា លោក Rajapaksa បានចាកចេញពីប្រទេសស្រីលង្កាទៅកាន់សាធារណរដ្ឋម៉ាល់ឌីវ។ នៅក្នុងសេចក្តីថ្លែងការណ៍តាម ទូរទស្សន៍កាលពីថ្ងៃពុធ ទី១៣ ខែកក្កដា បន្ទាប់ពីក្រុមអ្នកតវ៉ាបានសម្រុកចូលការិយាល័យរបស់លោកប្រធានាធិបតី លោក Wickremesinghe បានមានប្រសាសន៍ថា លោកបានណែនាំឱ្យយោធា និងប៉ូលិស “ឱ្យធ្វើអ្វីដែលចាំបាច់ ដើម្បីស្តារសណ្តាប់ធ្នាប់ឡើងវិញ”….៕

https://economynext.com/sri-lanka-parliament-to-select-new-president-on-july-20-amid-nomination-speculation-97261/