លោក Fumio Kishida នាយករដ្ឋមន្រ្តីនៃប្រទេសជប៉ុន

រាជធានីតូក្យូ៖ បណ្តាញផ្សព្វផ្សាយសាធារណៈរបស់ជប៉ុន NHK​ បានរាយការណ៍ថា គណបក្សកាន់ អំណាច គឺគណបក្សប្រជាធិបតេយ្យសេរីនិយម(LDP) របស់លោក Fumio Kishida នាយករដ្ឋមន្រ្តីនៃ ប្រទេសជប៉ុន ត្រូវបានគេទស្សន៍ទាយថានឹងរក្សាបាននូវសំឡេងភាគច្រើននៅក្នុងសភាជាន់ខ្ពស់ ជាមួយ នឹងដៃគូចម្រុះរងរបស់ខ្លួន នៅក្នុងការបោះឆ្នោតជ្រើសតាំងសមាជិកសភាជាន់ខ្ពស់ ដែលធ្វើឡើងនាថ្ងៃ អាទិត្យទី១០ ខែកក្កដា ឆ្នាំ២០២២។ ការរំពឹងទុកលទ្ធផលជាទូទៅបែបនេះ បានកើតមានតែ ២ថ្ងៃ បន្ទាប់ពី ការបាញ់សម្លាប់លើសមាជិកសភាគណបក្ស LDP ដ៏លេចធ្លោ និងជាបុគ្គលដ៏មានឥទ្ធិពល១រូប លើម្ចាស់ ឆ្នោត គឺលោក Abe Shinzo អតីតនាយករដ្ឋមន្រ្តីជប៉ុន។

គណបក្ស LDP និងគណបក្ស Komeito ទំនងជានឹងទទួលបានអាសនៈ រវាងពី​ ៦៩ ទៅ ៨៣អាសនៈ នៃការប្រកួតប្រជែងដណើ្តម ១២៥អាសនៈ នៃការបោះឆ្នោតនាថ្ងៃអាទិត្យ។ នេះបើតាមការស្ទង់មតិក្រោយ ការបោះឆ្នោត របស់បណ្តាញផ្សព្វផ្សាយជប៉ុន NHK៕

https://www.reuters.com/world/asia-pacific/japan-ruling-coalition-keep-majority-parliamentary-vote-exit-polls-2022-07-10/