លោក Kweon Seong-dong ប្រធានក្រុមសមាជិកសភាសំឡេងភាគច្រើនរបស់គណបក្សកាន់អំណាច​ គឺគណបក្សអំណាចប្រជាជន ឆ្លើយសំណួរអ្នកសារព័ត៌មាននៅក្នុងសភា ថ្ងៃអាទិត្យ ទី០៣ ខែកក្កដា ឆ្នាំ២០២

គណបក្សនយោបាយនានាដែលជាគូប្រជែងរបស់សាធារណរដ្ឋកូរ៉េ (កូរ៉េខាងត្បូង) បានទទួល បរាជ័យមិនបានឈានដល់កិច្ចព្រមព្រៀងមួយនៅក្នុងការចរចា នៅនាទីចុងក្រោយរបស់ខ្លួនសម្រាប់ការជ្រើសតាំងប្រធានស្ថាប័ននីតិប្បញ្ញត្តិនៅពេលខាងមុខ មុនពេលចាប់ផ្តើមបើកសម័យប្រជុំរដ្ឋសភា​បណ្តោះអាសន្ននៅក្នុងខែកក្កដា ឆ្នាំ២០២២ នេះ។

ខណៈពេលកិច្ចប្រជុំបិទទ្វារមួយ ដែលត្រូវបានធ្វើឡើង កាលពីរសៀលថ្ងៃអាទិត្យ ទី០៣ ​ខែកក្កដា ឆ្នាំ២០២២ រវាងប្រធានក្រុមសមាជិកសភាសំឡេងភាគច្រើនរបស់គណបក្សកាន់អំណាច និងគណបក្សប្រឆាំងដ៏ធំជាងគេ បានបញ្ចប់ដោយមិនបានឈានដល់កិច្ចព្រមព្រៀងណាមួយនោះ រដ្ឋសភានៅតែបន្តលើកពេល រួមទាំងការបន្តលើកពេលសម័យប្រជុំផ្តល់សេចក្តីទុកចិត្តលើការជ្រើសតាំងសមាជិកគណៈរដ្ឋមន្ត្រីរបស់លោក Yoon Suk-yeol ប្រធានាធិបតីកូរ៉េខាងត្បូង និងសេចក្តីព្រាងច្បាប់ជាង      ១១, 000  ផងដែរ។

លោក Kweon Seong-dong ប្រធានក្រុមសមាជិកសភាសំឡេងភាគច្រើនរបស់គណបក្សកាន់អំណាច គឺគណបក្សអំណាចប្រជាជន និងសមភាគីរបស់លោក គឺលោក Park Hong-keun មកពីគណ                  បក្សប្រជាធិបតេយ្យបានជួបប្រជុំពិភាក្សាគ្នាក្នុងរដ្ឋធានីសេអ៊ូរយៈពេល ២ ម៉ោង ទោះបីជាលោក Kweon បានថ្លែងប្រាប់អ្នកសារព័ត៌មាននៅក្នុងរដ្ឋសភាថា  គណបក្សនយោបាយទាំងនោះ មិនបានឈានដល់               កិច្ចព្រមព្រៀងមួយយ៉ាងណាក៏ដោយ។

លោក Kweon បានថ្លែងប្រាប់អ្នករាយការណ៍ព័ត៌មាន បន្ទាប់ពីកិច្ចប្រជុំពិភាក្សានោះថា «ខ្ញុំបានជួបប្រជុំពិភាក្សាការងារជាមួយលោក Park Hong-keun ប្រហែលរយៈពេល ២ ម៉ោង កាលពីវេលា   ម៉ោង ៣៖០០ រសៀល ហើយយើងបានចែករំលែកមតិយោបល់គ្នាដោយឥតលាក់លៀមរបស់គណបក្ស   នយោបាយទាំងពីរ»៕

http://ព័ត៌មានសភាអន្តរជាតិ ០៤-០៧-២២- កែវ ធាវីប្រែសម្រួលពី៖ https://m.koreaherald.com/view.php?ud=20220703000240