សភាអ៊ីស្រាអែលត្រូវបានរំលាយ ហើយលោក Lapid ក្លាយជានាយករដ្ឋមន្ត្រី ចាំផ្ទះ

រូបភាព ៖ លោក Naftali Bennett(ស្តាំ) និងលោក Yair Lapid នាយករដ្ឋមន្ត្រីចាំផ្ទះនៃរដ្ឋអ៊ីស្រាអែល

កាលពីថ្ងៃព្រហស្បតិ៍ ទី៣០ ខែមិថុនា ឆ្នាំ២០២២ សមាជិកសភានៃរដ្ឋអ៊ីស្រាអែលបានបោះឆ្នោតរំលាយសភា ដោយបញ្ចប់រដ្ឋាភិបាលចម្រុះរយៈពេលមួយឆ្នាំរបស់លោកនាយករដ្ឋមន្ត្រី Naftali Bennett និងបញ្ជូនប្រទេសមួយ នេះត្រឡប់ទៅរកការបោះឆ្នោតជាលើកទី៥ ក្នុងរយៈពេលមិនដល់៤ឆ្នាំផង នៅក្នុងការផ្លាស់ប្តូរមួយដែលអាចមើល ឃើញថា អតីតនាយករដ្ឋមន្ត្រីលោក Benjamin Netanyahu ត្រឡប់មកកាន់អំណាចវិញ។ អ្នកនាំពាក្យសភាបាន និយាយក្នុងសេចក្តីថ្លែងការណ៍មួយថា សភាដែលមានសមាជិកចំនួន ១២០រូប បានបោះឆ្នោតគាំទ្រចំនួន ៩២សំឡេង ទល់នឹង ០សំឡេង ដើម្បីរំលាយខ្លួន និងរៀបចំការបោះឆ្នោតបន្ទាប់នៅថ្ងៃទី០១ ខែវិច្ឆិកា ឆ្នាំ២០២២។ លោក Bennett ត្រូវបានគេរំពឹងថានឹងប្រគល់អំណាចទៅឱ្យលោក Yair Lapid រដ្ឋមន្ត្រីក្រសួងការបរទេសអ៊ីស្រាអែល និងជាមេដឹកនាំគណបក្ស the centrist Yesh Atid ក្រោមកិច្ចព្រមព្រៀងចែករំលែកអំណាច ដែលពួកគេបានព្រម ព្រៀងគ្នាបន្ទាប់ពីការបោះឆ្នោតមិនពេញលេញកាលឆ្នាំ២០២១។ ការផ្លាស់ប្តូរអំណាចនឹងប្រព្រឹត្តទៅនៅថ្ងៃសុក្រ ទី០១ ខែកក្កដា ហើយលោក Lapid នឹងកាន់តំណែងនេះរហូតដល់រដ្ឋាភិបាលបន្ទាប់ត្រូវបានបង្កើតឡើង….៕

https://english.news.cn/20220630/4baa517cb49a48009fbada90e5141d66/c.html

សភាបណ្តាទ្វីប៖

ទ្វីបអាស៊ី និងអូសេអានី

ទ្វីបអឺរ៉ុប

ទ្វីបអាមេរិក

ទ្វីបអាហ្វ្រិក