លោក Yair Lapid (ស្តាំ) និងលោក Naftali Bennett

កាលពីថ្ងៃអាទិត្យ ទី២៦ ខែមិថុនា ឆ្នាំ២០២២ លោក Naftali Bennett នាយករដ្ឋមន្ត្រីនៃរដ្ឋអ៊ីស្រាអែល បានបើកកិច្ចប្រជុំគណៈរដ្ឋមន្ត្រីលើកចុងក្រោយរបស់លោកក្នុងនាមជានាយករដ្ឋមន្ត្រី មុនពេលការរំលាយសភា ដែលត្រូវបានរំពឹងទុកក្នុងសប្តាហ៍នេះ។ លោក Bennett បានប្រាប់ក្រុមរដ្ឋមន្ត្រីនៅក្នុងសុន្ទរកថាតាមទូរទស្សន៍ថា “ជាអកុសលឆាប់ៗនេះ អ៊ីស្រាអែលនឹងឆ្ពោះទៅរកការបោះឆ្នោត” ដោយសំដៅលើការបោះឆ្នោតនៅថ្ងៃចន្ទ ទី២៧ ឬថ្ងៃពុធ ទី២៨ ខែមិថុនា ដែលសភាអ៊ីស្រាអែលនឹងបោះឆ្នោតដើម្បីរំលាយខ្លួនឯង។ នៅពេលដែលសភាត្រូវបាន រំលាយ រដ្ឋាភិបាលបណ្តោះអាសន្ននឹងត្រូវដឹកនាំដោយលោក Yair Lapid រដ្ឋមន្ត្រីក្រសួងការបរទេស ស្របតាម កិច្ចព្រមព្រៀងចែករំលែកអំណាចដែលលោក Lapid និងលោក Bennett បានចុះហត្ថលេខាបន្ទាប់ពីការបោះឆ្នោត កាលពីឆ្នាំ២០២១ ដែលមិនមានគណបក្សណាមួយទទួលបានសំឡេងគ្រប់គ្រាន់ដើម្បីបង្កើតរដ្ឋាភិបាលនោះទេ។ លោក Bennett និងលោក Lapid បានសម្រេចចិត្តរំលាយសភា បន្ទាប់ពីសម្ព័ន្ធភាពរង្គោះរង្គើរបស់ពួកគេបានបាត់ បង់សំឡេងភាគច្រើនកាលពី២ខែមុន។ ការបោះឆ្នោតនាពេលខាងមុខនឹងក្លាយជាការបោះឆ្នោតលើកទី៥របស់​ ប្រទេសអ៊ីស្រាអែលក្នុងរយៈពេល៣ឆ្នាំ ៕

https://english.news.cn/20220627/5028c511c64a47e2bd7a57804dc82aa7/c.html