លោក Hamza Abdi Barre នាយករដ្ឋមន្ត្រីថ្មីនៃសាធារណរដ្ឋសហព័ន្ធសូម៉ាលី

កាលពីថ្ងៃសៅរ៍ ទី២៥ ខែមិថុនា ឆ្នាំ២០២២ សភានៃសាធារណរដ្ឋសហព័ន្ធសូម៉ាលី បានអនុម័តជាឯកច្ឆន្ទ លើការតែងតាំងលោក Hamza Abdi Barre ជានាយករដ្ឋមន្ត្រីថ្មីរបស់ប្រទេស។ លោក Sheikh Aden Mohamed Nur (Madobe) ប្រធានសភាសហព័ន្ធសូម៉ាលីបានមានប្រសាសន៍ថា សមាជិកសភាចំនួន២២០រូប ដែលបានចូលរួមក្នុងសម័យប្រជុំ បានបោះឆ្នោតគាំទ្រលោក Barre ដែលត្រូវបានជ្រើសតាំងដោយលោកប្រធានា ធិបតី Hassan Sheikh Mohamud កាលពីថ្ងៃទី១៥ ខែមិថុនា ឆ្នាំ២០២២។ លោក Madobe បានមានប្រសាសន៍ បន្ទាប់ពីការបោះឆ្នោតថា “សមាជិកសភាទាំង២២០រូប ដែលមានវត្តមាននៅក្នុងសភានៅថ្ងៃនេះ បានឆ្លើយតបទៅ នឹងសំណើសុំការអនុម័តតែងតាំងនាយករដ្ឋមន្ត្រីថ្មី ហើយសមាជិកសភាទាំងអស់បានបោះ ឆ្នោតគាំទ្រលោក Hamza Abdi Barre ធ្វើជានាយករដ្ឋមន្ត្រីថ្មី។ គ្មាន​នរណា​ម្នាក់​បោះឆ្នោត​ប្រឆាំង ឬ​អនុបវាទឡើយ ៕

https://english.news.cn/africa/20220625/6795193da72b41b29468f4bf3b07f7c5/c.html