សមាជិកសភាបោះឆ្នោតគាំទ្រសេចក្តីព្រាងច្បាប់មួយដើម្បីរំលាយសភា

សមាជិកសភាអ៊ីស្រាអែលបានបោះឆ្នោតគាំទ្រសេចក្តីព្រាងច្បាប់មួយ ដើម្បីរំលាយសភានៅក្នុងការបោះឆ្នោត បឋមកាលពីថ្ងៃពុធ ទី២២ ខែមិថុនា ឆ្នាំ២០២២។ ការបោះឆ្នោត ១ ក្នុងចំណោម ៤ មុនការរំលាយសភាជាផ្លូវ ការទទួលបានសំឡេងភាគច្រើនលើសលប់នៃសមាជិកសភាចំនួន១១០រូប នៅក្នុងសភាដែលមានសមាជិកចំនួន ១២០រូប។ ការបោះឆ្នោតចុងក្រោយត្រូវបានគេរំពឹងថានឹងប្រព្រឹត្តទៅនៅសប្តាហ៍ក្រោយ។ ញត្តិនេះត្រូវបានបង្ហាញ ក្នុងរយៈពេល២ថ្ងៃ បន្ទាប់ពីនាយករដ្ឋមន្ត្រីអ៊ីស្រាអែលលោក Naftali Bennett និងដៃគូសំខាន់របស់លោកគឺ លោក Yair Lapid រដ្ឋមន្ត្រីក្រសួងការបរទេស បានប្រកាសថា ពួកគេកំពុងរំលាយរដ្ឋាភិបាលចម្រុះរបស់ពួកគេ ដែលបង្កើតឡើងដោយគណបក្សចម្រុះមនោគមវិជ្ជាចំនួន៨ ត្រឹមតែមួយឆ្នាំបន្ទាប់ពីការចាប់ផ្តើម ៕

https://english.news.cn/20220622/1528b10f1d5c40a6ae706a5895508c22/c.html