លោក Hossein Amir Abdollahian(កណ្តាល)ថតរូបអនុស្សាវរីយ៍ជាមួយគណៈប្រតិភូនៃសភាក្រូអាស៊ី

កាលពីថ្ងៃសៅរ៍ ទី១៨ ខែមិថុនា ឆ្នាំ២០២២ លោក Hossein Amir Abdollahian រដ្ឋមន្ត្រីក្រសួងការបរទេស នៃសាធារណរដ្ឋឥស្លាមអ៊ីរ៉ង់ បានជួបសន្ទនាការងារជាមួយប្រមុខ និងសមាជិកគណៈប្រតិភូជាន់ខ្ពស់នៃសភា សាធារណរដ្ឋក្រូអាស៊ី ដែលកំពុងបំពេញទស្សនកិច្ចជាផ្លូវការនៅរដ្ឋធានីតេអេរ៉ង់ ។ នៅក្នុង​ជំនួបពិភាក្សា​នោះលោក Amir Abdollahian បានលើកឡើងអំពីការ​ពិភាក្សា និង​​ពិគ្រោះ​យោបល់​រវាង​មន្ត្រី​អ៊ីរ៉ង់ និង​ក្រូអាស៊ី​ក្នុង​រយៈពេល​ប៉ុន្មាន​ខែ​កន្លង​មក​នេះ ហើយ​បាន​សម្តែង​ឆន្ទៈ​ពង្រីក​ទំនាក់ទំនង​រវាង​ប្រទេស​ទាំង​ពីរ។ មន្រ្តីការទូតរបស់ប្រទេស អ៊ីរ៉ង់បានលើកឡើងពីការទូតសភា និងគោលនយោបាយការបរទេស ប្រកបដោយតុល្យភាពនៃរដ្ឋបាលអ៊ីរ៉ង់បច្ចុប្បន្ន ដោយកត់សម្គាល់ថា រដ្ឋធានីតេអេរ៉ង់មានទំនាក់ទំនងទូលំទូលាយជាមួយសាធារណរដ្ឋក្រូអាស៊ី ហើយសភានៃ ប្រទេសទាំងពីរមានតួនាទីសំខាន់ក្នុងការជំរុញនូវទំនាក់ទំនងទៅវិញទៅមក។ លោក Amir Abdollahian បាន ពិពណ៌នាពីការជំរុញនូវទំនាក់ទំនងពាណិជ្ជកម្ម និងសេដ្ឋកិច្ចរវាងប្រទេសទាំងពីរថាមានសារៈសំខាន់ ហើយបាន សម្តែងក្តីសង្ឃឹមថាកិច្ចប្រជុំលើកទី៥នៃគណៈកម្មការសេដ្ឋកិច្ចរួមនៃប្រទេសអ៊ីរ៉ង់ និងក្រូអាស៊ីនឹងប្រព្រឹត្តទៅក្នុង ពេលឆាប់ៗនេះ ៕

https://www.tehrantimes.com/news/473832/Iran-FM-meets-Croatian-parliamentary-team