លោកHiroyuki Hosoda ប្រធានរដ្ឋសភាជប៉ុន បានដាក់ពាក្យបណ្តឹងកាលពីថ្ងៃសុក្រ ទី១៧ ខែមិថុនា ឆ្នាំ២០២២ ចោទប្រកាន់ក្រុមហ៊ុនទស្សនាវដ្តីមួយ ពីបទធ្វើឱ្យខូចកេរ្តិ៍ឈ្មោះរបស់លោក។ ក្រុមហ៊ុនទស្សនាវដ្តី ដែលចេញផ្សាយជារៀងរាល់សប្តាហ៍មួយនេះ បានចេញផ្សាយនូវអត្ថបទមួយ កាលពីពេលថ្មីៗនេះដោយ ចោទប្រកាន់លោកHosoda បានបំពានអារម្មណ៍ផ្លូវភេទ(Sexual harassment) លើស្រ្តីអ្នករាយការណ៍ព័ត៌មានម្នាក់។

លោកHosoda បានចោទប្រកាន់ទស្សនាវដ្តីនេះ ថាចេញផ្សាយអត្ថបទដែលគ្មានមូលដ្ឋានច្បាស់លាស់ និងបានបង្កឱ្យប៉ះពាល់ដល់កេរ្តិ៍ឈ្មោះរបស់លោក។ លោកHosoda ដែលអ្នកនយោបាយវ័យ៧៨ឆ្នាំ មកពីគណបក្សប្រជាធិបតេយ្យសេរី ដែលជាគណបក្សកំពុងកាន់អំណាចបច្ចុប្បន្ន បានប្តឹងទាមទារឱ្យក្រុមហ៊ុន​ទស្សនាវដ្តីនេះ សងជំងឺចិត្តចំនួន២២លានយ៉េន និងចុះផ្សាយអត្ថបទសុំអភ័យទោស។

ផ្នែកពិនិត្យរបស់ទស្សនាវដ្តីខាងលើ បានធ្វើការឆ្លើយតបថា “វាជារឿងគួរឱ្យសោកស្តាយមួយ ដែលលោក​Hosoda ក្នុងនាមជាមន្រ្តីថ្នាក់កំពូលនៃស្ថានប័នកំពូលដ៏មានអំណាចរបស់រដ្ឋ បើជាជ្រើសរើសការប្តឹងផ្តល់ ជំនួសឱ្យការព្យាយាមពន្យល់បកស្រាយការពិត អំពីការចុះផ្សាយនេះ៕

https://japantoday.com/category/politics/japan-lower-house-speaker-hosoda-sues-publisher-over-sexual-scandal