លោក Shalva Papuashvili ប្រធានសភាប្រទេសហ្សកហ្ស៊ី

លោក Shalva Papuashvili ប្រធានសភាប្រទេសហ្សកហ្ស៊ី កំពុងតែបំពេញទស្សនកិច្ចផ្លូវរដ្ឋទៅកាន់ព្រះរាជាណាចក្រន័រវែស ដាណឺម៉ាក  ស៊ុយអែត និងសាធារណរដ្ឋហ្វាំងឡង់ ចាប់ពីថ្ងៃទី១២ ដល់ថ្ងៃទី១៨  ខែមិថុនា ឆ្នាំ២០២២ ក្នុងគា្រដែលប្រទេសមួយនេះ កំពុងរង់ចាំការសម្រេចចិត្តរបស់សហភាពអឺរ៉ុប លើការផ្តល់ឋានៈជាបេក្ខភាពសមាជិកសហភាពអឺរ៉ុបដល់ខ្លួន ក្នុងប៉ុន្មានថ្ងៃខាងមុខនេះ។ កាលពីថ្ងៃទី១៣ ខែ  មិថុនា ឆ្នាំ២០២២  នៅក្នុងប្រទេសន័រវែស   លោកប្រធានសភាហ្សកហ្ស៊ី បានចួបជាមួយលោក Masud Gharahkhani​ ប្រធានសភានៃព្រះរាជាណាចក្រន័រវែស ដើម្បីពិភាក្សាពីការបន្តចំណងទាក់ទងរវាងប្រទេសទាំងពីរ  និងពង្រីកការតភ្ជាប់រវាងសភានៃប្រទេសទាំងពីរ។

លោក Gharahkhani បានបង្ហោះសារក្នុងបណ្តាញសង្គមធ្វីតធឺថា “ប្រធានបទនៃជំនួបខាងលើគឺ សង្រ្គាមនៅអ៊ុយក្រែន អង្គការអូតង់ និងកំណែទម្រង់ប្រជាធិបតេយ្យ នៅក្នុងប្រទេសហ្សកហ្ស៊ី”។ យើងលើកទឹកចិត្តដល់ពួកគេឱ្យក្រោកឈរឡើងដើម្បីតម្លៃនៃប្រជាធិបតេយ្យ។ ក្រោយជំនួប លោកប្រធានសភាហ្សកហ្ស៊ីបានសង្កត់ធ្ងន់ថា ដោយសារតែសង្រ្គាមនៅអ៊ុយក្រែន “ប្រហែលជាដល់ពេលដែលប្រទេស លោកខាងលិចដែលជាសង្គមប្រជាធិបតេយ្យ គួរតែបញ្ជូនសញ្ញានៃសាមគ្គីភាព មិនត្រឹមតែសម្រាប់ប្រជាជនអ៊ុយក្រែនប៉ុណ្ណោះទេ ប៉ុន្តែសម្រាប់ប្រជាជនហ្សកហ្ស៊ី និងម៉ុលដាវីផងដែរ ចំពោះបំណងប្រាថ្នារបស់ពួកគេ ក្នុងការក្លាយជាផ្នែកមួយនៃក្រុមគ្រួសារអឺរ៉ុប”។

លោកប្រធានសភាហ្សកហ្ស៊ីរូបនេះ​ ក៏បានចួបជាមួយលោក Henrik Thune អនុរដ្ឋមន្រ្តីក្រសួងការបរទេសន័រវែសផងដែរ ដើម្បីពិភាក្សាពីលទ្ធភាពនៃការបើកផ្លូវសម្រាប់កិច្ចសហប្រតិបត្តិការទ្វេភាគី ពហុ ភាគី និងការសន្ទនានយោបាយ ជាមួយភាគីនានា ដើម្បីពិនិត្យមើលឡើងវិញលើភាពជឿនលឿនរបស់ហ្សកហ្ស៊ី លើមាគ៌ានៃការធ្វើសមាហរណកម្មចូលក្នុងសហភាពអឺរ៉ុប។ លោក Papuashvili ក៏បានចូលគាល់ព្រះមហាក្សត្រនៃព្រះរាជាណាចក្រន័រវែស Heral V ផងដែរ។  ចាកចេញពីប្រទេសន័រវែស ទៅកាន់ដាណឺម៉ាកនៅថ្ងៃទី១៤ ខែមិថុនា ឆ្នាំ២០២២ លោក Papuashvili បានចួបជាមួយសមភាគី លោក Henrik Dam ប្រធានសភានៃព្រះរាជាណាចក្រដាណឺម៉ាក លោក Papuashvili បានថ្លែងថា ស្ថានទូតដាណឺម៉ាកប្រចាំរដ្ឋធានី Tbilisi ដែលនឹងបង្កើតឡើងនាពេលខាងមុខនឹងជំរុញចំណងទាក់ទងកាន់តែជ្រាលជ្រៅ និងកាន់តែមានផលិតភាពនៃភាពជាដៃគូទ្វេភាគី។ លោកប្រធានសភាហ្សកហ្ស៊ីក៏នឹងចូលគាល់ព្រះមហាក្សត្រិ  យានីនៃព្រះរាជាណាចក្រដាណឺម៉ាក Margrethe II ផងដែរ៕

http://ព័ត៌មានសភាអន្តរជាតិ ១៦-០៦-២២- ឈាវ សុផាត ប្រែសម្រួលពី៖ https://civil.ge/archives/496179