.

លោក Ruslan Stefanchuk ប្រធានរដ្ឋសភាអ៊ុយក្រែន

ទីភ្នាក់ងារសារព័ត៌មានរដ្ឋអ៊ុយក្រែន Ukrinform បានរាយការណ៍ថា លោក Ruslan Stefanchuk ប្រធានរដ្ឋសភាអ៊ុយក្រែន បានបញ្ជាក់នៅក្នុងបទសម្ភាសន៍មួយជាមួយប្រព័ន្ធផ្សព្វផ្សាយព័ត៌មានអាល្លឺម៉ង់ FUNKE  ថា «បន្ទាត់ក្រហម» សម្រាប់ប្រទេសអ៊ុយក្រែន គឺការសម្របសម្រួលលើអធិបតេយ្យភាព និងបូរណ ភាពទឹកដី​ ដូច្នេះ ប្រទេសអ៊ុយក្រែននឹងមិនបោះបង់ឧបទ្វីបគ្រីមៀ ឬតំបន់ Donbas ឡើយ។ លោក Stefanchuk បានថ្លែងឆ្លើយតបទៅនឹងសំណួរដែលសួរអំពីលក្ខខណ្ឌដំបូងសម្រាប់អ៊ុយក្រែនយល់ព្រមលើបទឈប់បាញ់ថា «យើងបានគូសបន្ទាត់ក្រហមរួចហើយៈ យើងនឹងមិនបោះបង់ទឹកដីរបស់យើងណាមួយឡើយ ទាំងឧបទ្វីបគ្រីមៀ និងតំបន់ Donbas។ ប្រទេសរុស្ស៊ីគ្រាន់តែកាន់កាប់បណ្តោះអាសន្នប៉ុណ្ណោះ។ លើសពីនេះទៀត យើងនឹងមិន សម្របសម្រួលអធិបតេយ្យភាព និងឯករាជ្យភាពឡើយ។ ប្រទេសអ៊ុយក្រែននឹងតស៊ូប្រយុទ្ធដើម្បីជ័យជំនះ»៕

https://www.ukrinform.net/rubric-polytics/3500637-parliament-head-to-german-media-ukraine-not-to-give-up-crimea-or-donbas.html