លោកJared Kushner កូនប្រសា និងជាអតីតទីប្រឹក្សាជាន់ខ្ពស់របស់លោកអតីតប្រធានាធិបតីដូណាល់ត្រាំ

គណៈកម្មាធិការមួយរបស់សភាតំណាងសហរដ្ឋអាមេរិក បានឱ្យដឹងកាលពីថ្ងៃព្រហស្បតិ៍ ទី២ ខែមិ ថុនា ឆ្នាំ២០២២ ថាខ្លួនកំពុងធ្វើការស៊ើបអង្កេតលើការវិនិយាគដែលរាជរដ្ឋាភិបាលប្រទេសអារ៉ាប៊ីសាអូ   ឌីត បានបោះទុនចំនួន២ពាន់លានដុល្លារ សហការរកស៊ីជាមួយសហគ្រាសរបស់លោកJared Kushner កូនប្រសាប្រុសរបស់លោកអតីតប្រធានាធិបតីដូណាល់ត្រាំ។

លោកស្រីCarolyn Maloney សមាជិកសភាតំណាងមកពីបុរីNew York នៃគណបក្សប្រជាធិបតេយ្យ និងជាប្រធានគណៈកម្មាធិការត្រួតពិនិត្យ និងកំណែទម្រង់ របស់សភាតំណាងសហរដ្ឋអាមេរិក បានថ្លែង កាលពីថ្ងៃព្រហស្បតិ៍ ក្នុងលិខិតមួយថា៖ ”គណៈកម្មាធិការកំពុងធ្វើការស៊ើបអង្កេត ក្រោមបទសង្ស័យថា​អ្នក(លោកKushner) បានយកតួនាទីរបស់អ្នកក្នុងរដ្ឋាភិបាលសហរដ្ឋអាមេរិក(ជំនាន់នោះ) ទៅជួញដូរ មិនត្រឹមត្រូវ ដើម្បីទទួលបានប្រាក់រាប់ពាន់លានដុល្លារពីរាជរដ្ឋាភិបាលអារ៉ាប៊ីសាអូឌីត និងក្រោមបទសង្ស័ យថា ប្រយោជន៍ហិរញ្ញវត្ថុផ្ទាល់ខ្លួនរបស់អ្នក បានជះឥទ្ធិពលមិនត្រឹមត្រូវលើគោលនយោបាយការបរទេសសហរដ្ឋអាមេរិក ក្នុងរដ្ឋបាលលោកអតីតប្រធានាធិបតីដូណាល់ត្រាំ ដែលឳពុកក្មេករបស់លោក។” លោកស្រីMaloney បានបញ្ជូនលិខិតខាងលើនេះ ទៅលោកKushner ដែលជាអតីតទីប្រឹក្សាសេតវិមានជំនាន់លោកប្រធានាធិបតីដូណាល់ត្រាំ។ លោកស្រីMaloney បានស្នើសុំឱ្យលោកKushner ផ្តល់ឯកសារអំពីការវិនិយោគរបស់សហគ្រាសរបស់លោកKushner ដែលមានឈ្មោះថា A Fin Management LLC (Affinity)។

ភ្លាមៗនៅក្នុងថ្ងៃដដែលនោះ សហគ្រាសរបស់លោកKushner មិនបានឆ្លើយតបនឹងសំណួររបស់ទីភា្នក់សារព័ត៌មានReuterឡើយ អំពីបញ្ហានេះ។ ប៉ុន្តែក្រោយមក អ្នកនាំពាក្យរបស់លោកKushner បានថ្លែងប្រាប់សារព័ត៌មានThe New York Time ថា លោកKushner បានគោរពច្បាប់និងក្រមសីលធម៌ទាំងអស់ ទាំងក្នុងពេលមានតួនាទីក្នុងរដ្ឋាភិបាល និងពេលលែងមានតួនាទីក្នុងរដ្ឋាភិបាល។

កំណត់ត្រាបានបង្ហាញថា សហគ្រាសរបស់លោកKushner បានចុះបញ្ជីជាក្រុមហ៊ុនប្រឹក្សាយោបល់វិនិយោគ(An investment adviser)ជាមួយទឹកប្រាក់ប្រហែល២.៥ពាន់លានដុល្លារអាមេរិក។ តាមលក្ខណៈនៃការវិនិយោគបែបនេះ រាជរដ្ឋាភិបាលអារ៉ាប៊ីសាអូឌីត គួរតែដាក់ប្រាក់វិនិយោគរបស់ខ្លួនឱ្យស្ថិតក្រោម ការចាត់ចែងរបស់សហគ្រាស A Fin ជាជាងការយកប្រាក់ទាំងអស់នោះ ទៅវិនិយោគក្នុងសហគ្រាសនោះ ដោយខ្លួនឯងផ្ទាល់…៕

   http://ព័ត៌មានអង្គការសភាអន្តរជាតិ ០៤-០៦-២២- មាស តូនី ប្រែសម្រួលពី៖https://www.investing.com/news/stock-market-news/us-house-panel-probing-saudi-arabias-investment-in-kushners-firm-2833017