លោក Igor Grosu ប្រធានសភានៃសាធារណរដ្ឋម៉ុលដាវី

រដ្ឋធានីជីស៊ីណូ៖ កាលពីថ្ងៃពុធ ទី០១ ខែមិថុនា ឆ្នាំ២០២២ លោក លោក Igor Grosu ប្រធានសភានៃសាធារណរដ្ឋម៉ុលដាវីបានថ្លែងថា ប្រទេសដ៏តូចមួយ ក្នុងអឺរ៉ុបខាងកើតមួយនេះនឹងពិចារណាស្នើសុំជំនួយយោធា “ពីបណ្តាប្រទេសជាមិត្ត”។

លោកប្រធានសភាម៉ុលដាវីរូបនេះ បានថ្លែងបន្តថា “អព្យាក្រឹតភាពត្រូវការការពារ”។ ដូច្នឹងហើយ ទើប ម៉ុលដាវីនឹងលើកកម្ពស់សមត្ថភាពយោធា  និងវិនិយោគលើកងកម្លាំងប្រដាប់អាវុធរបស់ខ្លួន។ យើង នឹងពង្រឹងសមត្ថភាពយោធារបស់យើងតាមរយៈកិច្ចសន្យាភាពជាដៃគូយោធាដែលមានស្រាប់ ប៉ុន្តែយើង ក៏នឹងពិចារណាលើការស្នើសុំជំនួយពីបណ្តាប្រទេសជាមិត្តរបស់យើងផងដែរ។ លោក Grosu ថា ជម្លោះ នៅអ៊ុយក្រែន ដែលជាប្រទេសជិតខាងរបស់ខ្លួន បានធ្វើឱ្យគ្រោះថ្នាក់ដល់សន្តិសុខជាតិម៉ុលដាវី។

ឋានៈជាប្រទេសអព្យាក្រឹតមិនចូលបក្សសម្ព័ន្ធយោធាណាមួយ(non-aligned country)របស់  ម៉ុលដាវី​ បានចែងក្នុងរដ្ឋធម្មនុញ្ញរបស់ខ្លួន ក៏ប៉ុន្តែប្រទេសមួយនេះ បានក្លាយជាសមាជិកនៃកម្មវិធីភាពជា ដៃគូដើម្បីសនិ្តភាពរបស់អង្គការសន្ធិសញ្ញាអាត្លង់ទិចខាងជើង(NATO)  ចាប់តាំងពីឆ្នាំ១៩៩៤មក។​

លោកស្រី Liz Truss រដ្ឋមន្រ្តីក្រសួងការបរទេសចក្រភពអង់គ្លេស បានថ្លែងប្រាប់សារព័ត៌មានអង់គ្លេសមួយកាលពីខែឧសភា ឆ្នាំ២០២២ ថា អង្គការសន្ធិសញ្ញាអាត្លង់ទិចខាងជើង ចង់បញ្ជូនអាវុធធុនទំនើបទៅកាន់ប្រទេសម៉ុលដាវីដើម្បីការពារខ្លួនពីអ្វីដែលពួកគេមើលឃើញថា ជាការគំរាមកំហែងមួយនៃការឈ្លានពានពីសំណាក់សហព័ន្ធរុស្ស៊ី។ លោក Charles Michel ប្រធានក្រុមប្រឹក្សាអឺរ៉ុប ក៏បានសន្យាដូចគ្នានេះដែរ  ក្នុងការបង្កើនជំនួយយោធាទៅកាន់ប្រទេសម៉ុលដាវី៕

http://ព័ត៌មានសភាអន្តរជាតិ ០២-០៦-២២- ឈាវ សុផាត ប្រែសម្រួលពី៖ https://www.urdupoint.com/en/world/moldova-to-look-at-allies-offers-of-military-1518664.html