លោក Wang Yang សមាជិកការិយាល័យនយោបាយនៃបក្សកុម្មុយនិស្តចិន និងជាប្រធានសភាប្រឹក្សាយោបល់ប្រជាជន  ចិន ពិភាក្សាការងារជាមួយ លោក Salah Goudjil ប្រធានសភាជាន់ខ្ពស់អាល់ហេ្សរី ក្នុងរដ្ឋធានីប៉េកាំង តាមប្រព័ន្ធនិម្មិត

រដ្ឋធានីប៉េកាំង៖ កាលពីថ្ងៃពុធ ទី០១ ខែឧសភា ឆ្នាំ២០២២ លោក Wang Yang សមាជិកការិយាល័យនយោបាយនៃបក្សកុម្មុយនិស្តចិន និងជាប្រធានសភាប្រឹក្សាយោបល់ប្រជាជនចិន(CPPCC) នៃសាធារណរដ្ឋប្រជាមានិតចិន បានចួបពិភាក្សាការងារជាមួយលោក Salah Goudjil ប្រធានក្រុមប្រឹក្សាប្រជាជាតិ(សភាជាន់ខ្ពស់)​ នៃសាធារណរដ្ឋប្រជាធិបតេយ្យប្រជាមានិតអាល់ហ្សេរី តាមប្រព័ន្ធវីដេអូ។

លោក Wang Yang ​បានថ្លែងថា ទាំងភាគីចិន និងអាល់ហ្សេរីបានស្វែងយល់ និងគាំទ្រគ្នាទៅវិញ ទៅមក លើបញ្ហាពាក់ព័ន្ធនឹងផលប្រយោជន៍ស្នូល និងបញ្ហាចម្បងៗរបស់ខ្លួន ចាប់តាំងពីការបង្កើតចំណង ការទូតកាលពី ៦៤ឆ្នាំកន្លងមក ហើយភាគីទាំងពីរ ទទួលបានលទ្ធផលប្រកបដោយផ្លែផ្កា ក្នុងការរួមគ្នា ប្រយុទ្ធប្រឆាំងនឹងជំងឺរាតត្បាតជាសកលកូវីដ-១៩។

លោក Wang Yang បានថ្លែងបន្តថា ប្រទេសចិន មានឆន្ទៈក្នុងការរួមសាមគ្គី និងបន្តប្រតិបត្តិនូវ មិត្តភាពជាប្រពៃណីរបស់ខ្លួនជាមួយនឹងប្រទេសអាល់ហ្សេរី ពង្រឹងយុទ្ធសាស្រ្តរួមគ្នានៃការអភិវឌ្ឍ លើកកម្ពស់កិច្ចសហប្រតិបត្តិការខ្សែក្រវាត់ និងផ្លូវ ជំរុញភាពជាដៃគូយុទ្ធសាស្រ្តគ្រប់ជ្រុងជ្រោយរវាងចិន និងអាល់ហ្សេរី ឈានដល់កម្រិតមួយថ្មី និងពង្រីកកិច្ចសហប្រតិបត្តិការ ក្នុងវិស័យនានាដូចជា សេដ្ឋកិច្ច វិទ្យាសាស្រ្ត បច្ចេកវិទ្យា វេជ្ជសាស្រ្ត និងសុខាភិបាល។

លោក Wang Yang បានថ្លែងបន្តថា សភាប្រឹក្សាយោបល់ប្រជាជនចិន(CPPCC) តាមត្រៀមរួចជាស្រេច ដើម្បីធ្វើឱ្យកាន់តែស៊ីជម្រៅថែមទៀត ក្នុងការផ្លាស់ប្តូរទៅវិញទៅមក ជាមួយក្រុមប្រឹក្សាប្រជា ជាតិអាល់ហ្សេរី(សភាជាន់ខ្ពស់) ដើម្បីលើកកម្ពស់ចំណងទាក់ទងទ្វេភាគី។ សម្រាប់ភាគីអាល់ហ្សេរី លោកប្រធានសភាជាន់ខ្ពស់ Salah Goudjil បានថ្លែងថា អាល់ហ្សេរីមានឆន្ទៈក្នុងការបង្រួបបង្រួមទំនុកចិត្តនយោបាយគ្នាទៅ វិញទៅមក ជាមួយប្រទេសចិន និងចូលរួមយ៉ាងសកម្មក្នុងការកសាងគំនិតផ្តួច  ផ្តើមខ្សែក្រវាត់ និងផ្លូវ៕

http://ព័ត៌មានសភាអន្តរជាតិ ០២-០៦-២២- ឈាវ សុផាត ប្រែសម្រួលពី៖ https://english.news.cn/20220531/45b285c1ab0c411f9a5b07b1b83d7dee/c.html