​រដ្ឋសភាវៀតណាម ​ដាក់ចេញគោល​នយោ​បាយ​ថ្មី​ដើម្បី​ប្រយុទ្ធប្រឆាំង​នឹងជំងឺ​កូវីដ-១៩

កាលពីថ្ងៃចន្ទ ទី២៣ ខែឧសភា ឆ្នាំ២០២២ រដ្ឋសភានៃសាធារណរដ្ឋសង្គមនិយមវៀតណាមបានចាប់ផ្តើមធ្វើការវិភាគលើគម្រោងជិត១២គម្រោង ដើម្បីប្រយុទ្ធប្រឆាំងនឹងជំងឺកូវីដ-១៩ និងការស្តារសេដ្ឋកិច្ចរបស់ប្រទេសឡើងវិញ។

ទីភ្នាក់ងារសារព័ត៌មានវៀតណាម (VNA) បានរាយការណ៍ឱ្យដឹងថា នៅក្នុងសម័យប្រជុំលើកទី៣ នៃរដ្ឋសភាវៀតណាមនីតិកាលទី១៥ សមាជិករដ្ឋសភាបាននឹងកំពុងពិនិត្យលើការអនុម័តជាបន្តបន្ទាប់លើសេចក្តីព្រាងច្បាប់ចំនួន៥ និងសេចក្តីព្រាងសេចក្តីសម្រេចចំនួន៣ ដើម្បីលើកកម្ពស់ការសម្របខ្លួនប្រកបដោយសុវត្ថិភាព និងភាពបត់បែន ព្រមទាំងការគ្រប់គ្រងប្រកបដោយប្រសិទ្ធភាពនៃជំងឺរាតត្បាតកូវីដ-១៩ ក៏ដូចជាការស្តារសេដ្ឋកិច្ចឡើងវិញ។ ក្នុង​អំឡុង​ពេល​នៃ​សម័យ​ប្រជុំ​រយៈពេល ១៩ថ្ងៃ ថវិកា​រដ្ឋ​ក៏​នឹង​ស្ថិត​ក្រោម​ការពិនិត្យ​ពិចារណា​ផង​ដែរ។ លោក Le Van Thanh ឧបនាយករដ្ឋមន្ត្រីវៀតណាម បាន លើកឡើងពីសមិទ្ធផលរបស់ប្រទេសក្នុងវិស័យជាច្រើន ក្រោមការណែនាំរបស់គណៈកម្មាធិការមជ្ឈិមបក្ស និងរដ្ឋាភិបាល ការងាររួមជាមួយប្រជាជន នាដការនយោបាយ និងធុរកិច្ច។ លោក Thanh បានគូសបញ្ជាក់ពីការចាក់វ៉ាក់សាំងកូវីដ-១៩បានច្រើន ដែលបានធ្វើឱ្យប្រទេសវៀតណាមស្ថិតក្នុងចំណោមប្រទេសទាំង៦ដែលមានអត្រាចាក់វ៉ាក់សាំងបង្ការជំងឺកូវីដ-១៩ខ្ពស់បំផុត។

ថ្នាក់ដឹកនាំ​វៀតណាម​បានមានប្រសាសន៍ថា ផលិតផលក្នុងស្រុកសរុបក៏សម្រេចបាននូវកំណើនលើសពី ៥% ក្នុងត្រីមាសទី១ សម្រាប់ឆ្នាំ២០២២ និងឆ្នាំ២០២១ ៕

http://ព័ត៌មានសភាអន្តរជាតិ ២៤-០៥-២២-ផាត់ ត្រដែត ប្រែសម្រួលពី៖ https://www.plenglish.com/news/2022/05/23/vietnams-parliament-analyzes-new-policies-to-fight-covid-19/