លោក Michal Aoun ប្រធានាធិបតីនៃសាធារណរដ្ឋលីបង់

កាលពីថ្ងៃសៅរ៍ ទី២១ ខែឧសភា ឆ្នាំ២០២២ លោក Michal Aoun ប្រធានាធិបតីនៃសាធារណរដ្ឋ លីបង់បានចេញបញ្ជាឱ្យរដ្ឋាភិបាលបំពេញការងារក្នុងនាមជារដ្ឋាភិបាលចាំផ្ទះ រហូតដល់រដ្ឋាភិបាលថ្មី ត្រូវ បានបង្កើតឡើង។ នៅក្នុងសេចក្តីថ្លែងការណ៍មួយ លោកប្រធានាធិបតីលីបង់បានថ្លែងថា “អនុលោមតាម មាត្រា​ ៦៩ នៃរដ្ឋធម្មនុញ្ញលីបង់ រដ្ឋាភិបាលបច្ចុប្បន្នត្រូវអស់អាណត្តិ ហើយសភានីតិកាលថ្មីនឹងត្រូវចាប់ ផ្តើមនៅថ្ងៃទី២២ ខែឧសភា ឆ្នាំ២០២២។ លោកប្រធានាធិបតីបានសម្តែងនូវការថ្លែងអំណរគុណចំពោះ លោកនាយករដ្ឋមន្រ្តី និងគណៈរដ្ឋមន្រ្តី ហើយរដ្ឋាភិបាលបច្ចុប្បន្ន ត្រូវបំពេញការងារក្នុងនាមជារដ្ឋា ភិបាលចាំផ្ទះ រហូតដល់រដ្ឋាភិបាលថ្មី ត្រូវបានបង្កើតឡើង”។

គួរបញ្ជាក់ផងដែរថា អាណត្តិរបស់សភានីតិកាលបច្ចុប្បន្ន ដែលជាប់ឆ្នោតក្នុងឆ្នាំ២០១៨ ត្រូវបញ្ចប់​នៅថ្ងៃនេះ(ថ្ងៃទី២១ ខែឧសភា) ហើយអាណត្តិរបស់សភានីតិកាលថ្មី ដែលជាប់ឆ្នោតកាលពីថ្ងៃទី១៥   ខែឧសភា ឆ្នាំ២០២២ ត្រូវចាប់ផ្តើមពីថ្ងៃទី២២ ខែឧសភា ឆ្នាំ២០២២តទៅ៕

https://menafn.com/1104251229/Lebanese-Pres-Orders-Govt-To-Act-As-Caretaker-After-New-Parliament-Elected