ទិដ្ឋភាពក្នុងសាលប្រជុំពេញអង្គសភានៃសាធារណរដ្ឋហ្វាំងឡង់

រដ្ឋធានីហែលសិនគី៖ កាលពីថ្ងៃអង្គារ ទី១៧ ខែឧសភា​ ឆ្នាំ២០២២ សភានៃសាធារណរដ្ឋហ្វាំងឡង់​បាន អនុម័តដោយសំឡេងភាគច្រើនលើសលប់លើសំណើសុំចូលជាសមាជិកនៃសម្ព័ន្ធមិត្តយោធារបស់អង្គការអូតង់ ក្នុងការផ្លាស់ប្តូរគោលនយោបាយជាប្រវត្តិសាស្ត្រមួយ ខណៈដែលសហព័ន្ធរុស្ស៊ីកំពុងឈ្លានពានលើប្រទេស អ៊ុយក្រែន។ លោក Sauli Niinisto ប្រធានាធិបតីហ្វាំងឡង់ និងរដ្ឋាភិបាលរបស់លោក បានសម្រេចជាផ្លូវ​ការ កាលពីថ្ងៃអាទិត្យ ទី១៥ ខែឧសភា​ ឆ្នាំ២០២២ ថា ប្រទេសហ្វាំងឡង់ នឹងបានដាក់សំណើសុំចូលជាសមាជិក របស់អង្គការនេះ ប៉ុន្តែ ត្រូវរង់ចាំការសម្រេចពី សភាសិន។ លោក Matti Vanhanen ប្រធានសភាហ្វាំងឡង់ បានថ្លែងថា ក្នុងចំណោមសមាជិកសភាសរុប ២០០ រូប, ១៨៨ រូប បានបោះឆ្នោតគាំទ្រ និង ៨ រូប ទៀត បានបោះឆ្នាតជំទាស់លើសំណើនេះ៕

https://nationalpost.com/pmn/news-pmn/finlands-parliament-votes-yes-to-nato