លោក Lee Jong-sup បេក្ខជនរដ្ឋមន្ត្រី​ក្រសួងការ​ពារជាតិកូរ៉េខាងត្បូង   ក្នុងអំឡុងពេលសម័យប្រជុំផ្តល់សេចក្តីទុកចិត្តពីសភា

កាលពីថ្ងៃចន្ទ ទី០៩ ខែឧសភា ឆ្នាំ២០២២ រដ្ឋសភានៃសាធារណរដ្ឋកូរ៉េ (កូរ៉េខាងត្បូង) បានអនុម័តរបាយការណ៍ សម័យប្រជុំផ្តល់សេចក្តីទុកចិត្តលើលោក Lee Jong-sup បេក្ខជនតំណែងរដ្ឋមន្ត្រី​ក្រសួងការ​ពារជាតិ មួយថ្ងៃ មុនលោក Yoon Suk-yeol ប្រធានាធិបតីទើបជាប់ឆ្នោតថ្មី ចូលកាន់តំណែង។ គណៈកម្មាធិការការពារជាតិ នៃរដ្ឋសភាបានអនុម័តជាឯកច្ឆន្ទលើការតែងតាំងរបស់លោក Lee បន្ទាប់ពីសម័យប្រជុំរដ្ឋសភា កាលពី សប្តាហ៍មុន ដោយសំអាងថា លោក Lee មានភាពជាអ្នកដឹកនាំ និងមានបទពិសោធន៍ច្រើនលើគោល នយោបាយការពារជាតិ និងប្រតិបត្តិការយោធា។ លោក Lee គឺជាអតីតឧត្តមសេនីយ៍ឯកយោធា (ផ្កាយ​៣) បានបញ្ចប់ការសិក្សានៅបណ្ឌិតសភាយោធាកូរ៉េ និងបានបម្រើការងារជាអគ្គមេបញ្ជាការរងចម្រុះ ពីឆ្នាំ២០១៧ ដល់ ២០១៨។ លោក Lee គឺជាមនុស្សទី៥ ដែលត្រូវបានជ្រើសរើសចេញពីបេក្ខជនគណៈរដ្ឋមន្ត្រី ១៨ រូប ដែលត្រូវបានផ្តល់សេចក្តីទុកចិត្តពីសភា៕

https://www.koreatimes.co.kr/www/nation/2022/05/113_328758.html